انتظرته وقلبي إحساسه يقول
صوت خلي اليوم ما أظن أسمعه
الخبر عندي وغيبته بتطول
وقتي من اليوم حسابه بجمعه
ضاق بي صدري وأدور له حلول
في ضميري نار شوقي مولعه
عشت في دنيا أدور بها وأجول
عشت فيها بضيق وعايشت السعة
ما لقيت اللي على دربي صمول
كود بعض الناس وقته يمنعه
روضتي جفت وأنا خلي سيول
مبعدٍ عني وقلبي يتبعه
طبعه اللي يوصف بالطبع الخجول
بين كل الناس عندي يرفعه
الغريب اللي أسولف له وأقول
عن هوى نفسي كلامي أقنعه
ما يلام اللي مثل حالي ينول
لو قضى ليله يساهر مدمعه
اللي على الغالي وشوفاته ميول
وزود شوقي له غرامي أصنعه
لو حصل لي شوفته همي يزول
وقتها أنسى البشر وأجلس معه
أذكر إني بغيبته دايم أقول
هو حياة القلب هو له مطمعه
فرحتي يا خالد بيوم الوصول
بفرح لقلبي بهمٍ ودعه
ضاق بي صدري وأدور له حلول
في ضميري نار شوقي مولعه