انتظرته وقلبي إحساسه يقول
صوت خلي اليوم ما أظن أسمعه
الخبر عندي وغيبته بتطول
وقتي من اليوم حسابه بأجمعه
ضاق بي صدري وأدور له حلول
في ضميري نار شوقي مولعه
عشت في دنيا أدور بها وأجول
عشت فيها بضيق وعايشت السعة
ما لقيت اللي على دربي صمول
كود بعض الناس وقته يمنعه
روضتي جفت وأنا خلي سيول
مبعدٍ عني وقلبي يتبعه
طبعها اللي يوصف بالطبع الخجول
بين كل الناس عندي أرفعه
القريب اللي أسولف له وأقول
عن هوى نفسي كلامي أقنعه
ما يلام اللي مثل حالي ينول
لو قضى ليله يساهر مدمعه
لي على الغالي وشوفاته ميول
وزود شوقي له غرامي أصنعه
لو حصل لي شوفته همي يزول
وقتها أنسى البشر وأجلس معه
أذكر إني يغيبته دايم أقول
هو حياة القلب هو له مطمعه
فرحتي يا خالد بيوم الوصول
وأفرح لقلبي بهمٍ ودعه
ضاق بي صدري وأدور له حلول
في ضميري نار شوقي مولعه
من كثر ضيقه ضلوعه توجعه