Three days after our journey to Horton Plains .. my next trip began to the same area because I wanted to know and see the other end or bottom of the World’s End drop. This is a solo travel. I first logged in at one of the beautiful lodges near Hirikatu Oya. After a break, I visited Nonpareil Estate to see the bottom of the World’s End drop. It was a magnificent view, and a few experiences were heartfelt. This video included beautiful views of World’s End Drop, Baker’s Bend, waterfalls, the Belihuloya area, and places where you can stay if you are interested in visiting these areas. I hope you will enjoy the video.

Greetings
I am Dinesh

ලෝකාන්තයේ පහල ඉම සොයා

" මාමේ මේ ලෝකාන්තය පහලට යන පාර නේද..?" යනුවෙනි. මාගේ පහල සිට ඉහලට බැලූ ඔහු සිනාමුසු මුහුනෙන් " ඔය මහත්තයාට පාර වැරදිලා.. බේකර්ස් බෙන්ඩ් යන්නෙ අනෙක් පැත්තෙන්.." යනුවෙන් හඩ අවදි කලේ අතින් නැවත හරවාගෙන යන්නට යැයි ඉඟි කරවමිනි. නමුත් මා පැමිණ තිබුනේ නිවැරදි මාර්ගයේ බව මා හට විශ්වාස ‍ය. "මාමේ මට යන්න ඕනේ ලෝකාන්තය පහලට.." නැවතත් උස් හඩින් ඔහු හට පවසා සිටියේ කලින් වතාවේ මා කියූ දේ නෑසෙන්නට ඇතැයි සිතූ නිසාවෙනි. "අහ්... කෝවිල දිහාට.." "මේ පාර තමා මහත්තයා.. හැබැයි මේ පාර හොදටෝම කැඩිලා..." මාර්ගයේ තත්වය කෙසේ උවත් උවමනාවේ තත්වය ඊට හාත්පසින්ම වැඩිය. "යන්නම් මාමා" කියමින් මෝටර් බයිසිකලයේ නලාවද හඩවමින් මා එතැනින් ඉදිරියට ආවේ සැනසුම් සුසුමක් හෙලමිනුයි.

මාර්ගයේ සියලුම ගල් ගැලවී ගොසිනි. තැනෙක සුදු තිරිවානා ගල් කුඩු වැනිය. පයින් සහ ටර්පන්ටයින් කොළ වැටුනු මාර්ගය හරහා ඇදී යන ටයර් හඩ ඇරෙන්නට ඇත්තේ ඉදහිට ඇසෙන සුළගේ හඩ පමණකි. දකුණු පසින් කඳු යායකි. මාර්ගයේ වම් පස ඇත්තේ මහා විශාල හෙළකි. එහි එක් අන්තයක තවත් නිවාස කිහිපයක් ඉතා කුඩාවට පෙනේ. මග විස්තර එසේය. මෙසේ තවත් දුශ්කර වූ කිලෝමීටර ගණනාවක් ගෙවා ආ පසු හමු වන්නේ කෝවිලකි. හුදකලා වූ නිවාස පේලියක් ඉන් පහතින් පෙනේ. "අර අත්න තමා මහත්තියා වර්ල් සෙන් එක" වෙනස් වූ උච්චාරණයකින්, මා අසන්නටත් කලියෙන් කෝවිළ ලග රැදී සිටි සහෝදරයකු අපට දකුණු පසින් ඇති යෝධ කදු වළල්ලේ එක් අන්තයක් දෙස ඇගිල්ල දිගු කොට පෙන්වීය. "අහ්.. ඒක තමා මාත් හොයාගෙන ආවේ..." කියමින් මා නැවතත් ඉදිරියට ඇදුනේ සැබැවින්ම මා ඉදිරියේ ඇති යෝධ කඳු මුදුන් දෙස පුදුමෙයෙන් මෙන් බලමිනි.

සැබැවින්ම සොබාදහම පුදුමාකාර ය. විශාල තාප්පයක් වැනි කලුගල් වලින් සෑදී ඇති කදු කෙලවර පහල අන්තයට වන්නට ඇත්තේ ලදු කැලෑවකි. මා රැදී සිටි කෝවිල ආසන්නයට වන්නට ලෝකාන්තයේ පහල අන්තය ඇති අතර ඊට මදක් ඉදිරියට වන්නට ඇත්තේ කුඩා ලෝකාන්තයේ පහල සීමාවයි. (මෙය ගම්වාසින් හොදින් දන්නා ඉසව් දෙකකි. මක්නිසාද ‍යත් යම් හෙයකින් ලෝකාන්තයෙන් පහලට යමෙකු ඇද වැටුනහොත් එම මල සිරුරු හමු වන්නේ ඒ ඉසව් වලිනි. තවද ඇද වැටුනු අය වැටුනේ ප්‍රධාන ලෝකාන්තයෙන්ද., කුඩා ලෝකාන්තයෙන්ද යන වගත්, වැටුනාද, පැන්නාද යන වගත් කීමට තරම් ගම් වාසීන් අත්දැකීම් වලින් සහ දැනුමෙන් පරිපූර්ණ ය.) මා හා තොරතුරු පැවසූ සුරේන්ද්‍රගේ පියාණන් මා හට නිවසට පැමිණ තේ බී යන්නට යැයි පැවසුවේ ඉතා ලෙංගතු වූ විලාසයකිනි. "සුරේන්ද්‍ර" යනු මා හට කෝවිල ලගදී හමු වූ තරුණයා යි. ඔහු වයස විසි හතරක විරැකියාවෙන් පෙළෙන අවංකයෙකි. මේ බැව් මා හට හැගී ගියේ ඔහු මාගෙන් "මහත්තයා... මට රස්සාවක් හොයා දෙන්න බැරිද..? " යනුවෙන් විමසූ පසුයි. සාමාන්‍යයෙන් කොළඹ දී වුවද යම් කෙනෙකු ඉල්ලන්නේ සල්ලි මිස රැකියාවක් නොවේ. මා කතාවක් අසා ඇත එය මෙසේය "බඩගින්නේ හිදින්නෙකුට දිය යුත්තේ මාලුවකු නොව බිලී පිත්තක්" යන බවයි. එ පරිද්දෙන්ම "සුරේන්ද්‍ර"ත් ඉල්ලා සිටියේ ජීවත් වීමට රැකියාවකි. මෙය මා කතාව මැද දී පවසා සිටියේ මාගේ කතාවේ රසය අඩු වුවත් "සුරේන්ද්‍රගේ" රැකියාව ඊට වඩා වටිනා බැවිනි.

තේ පානයෙන් පසු නැවතත් ගමන් ඇරඹූ මා නිවාස අතරින් ඉදිරියට ගමන් කලේ ලෝකාන්තයේ ඉහල මායිම දෙස විපරම් කරමිනි. එම මාර්ගය අවසාන වන තෙක්ම ගමන් කල අතර එහි අවසානයේ ඇත්තේ කුඩා දිය පහරකි. හෝර්ටන්තැන්න දෙසින් ගලා බසිනා දිය පහර හරස් කොට ගැමියන් කුඩා පීල්ලක් සේ ගසක් තබා ඇත. එයින් සුපිරිසිදු සහ සීතල දිය බිදක් ගෙන පානය කලේ "අනේ මේ කිරිකැටි ඔයට, හිරිකටු ඔයට වතුර දෙන මුල් දිය අත්තක් නේ..." යැයි මා හටම කියා ගනිමිනි. ඒ ආසන්නයේ ඇති ගල් තලාවක ඉර අවරට යන තෙක්ම රැදී සිටියේ සිතට දැනුනා වූ සැනසීමත්, ගමන් මහන්සියත් නිසාවෙනි.

එතැනින් නික්මුනු මා මීලගට ගමන් කලේ "බේකර්ස් බෙන්ඩ්" එක වෙතයි. එයටද තවත් කිලෝමීටර ගනනාවක් ගෙවා යෑමට මා හට සිදු විය. සැමුවෙල් බේකර්ස් මෙයින් වැටී මියදුනා යැයි පැවසෙන "බේකර්ස් බෙන්ඩ්" මතින් වැටී මියැදී තිබුනේ "සැමුවෙල් බේකර්ස්" ගේ අශ්වයා පමණකි. එහි රාත්‍රි වන තෙක්ම ගත කල මා නැවතත් ගමන් ගත්තේ මාගේ රාත්‍රි නවාතැන්පොළටයි.

සුරේන්ද්‍ර වැනි තරුණයින්ගේ ජීවිත වලින් පිරී ගිය ලෝකාන්තයේ පහල දුටු නොදුටු සහ නොවිදි අත්දැකීමක් විද ගන්න රූප රචනාවෙන් මුණගැසෙමු.

ආයුබෝවන් මම දිනේෂ්.

➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖
Instagram -   / dinesh_a_pathum  
➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖

“Copyright @ [Dinesh A Pathum 2023]. Any illegal reproduction of this content will result in immediate legal action.‼️“

#worldsenddrop #worldsendsrilanka #bottomoftheworldsend #nonpareilestate #solotravel #motorbiketravels #visitsrilanka #gopro10 #nature #travelideassrilanka #placestovisitsrilanka