අවාරයේ සිරිපා කරුණාව

වාරයේ අවසානය ඉඩ හසර සකස් කොට දෙන්නේ අවාරයේ සුන්දරත්වයටයි. පසුගිය වසරේ "දෙහෙන කන්ද, මූක්කුවත්ත" හරහා ගිය අවාරයේ වන්දනාව කිසිදා අමතක නොවන ගමනක් වන්නේ අවාරයකදී හෝ වාරයක දී සමනොළ කන්ද තරණය කිරීම සදහා අප කංඩායම ගිය දුශ්කරතම මාර්ගය "දෙහෙන කන්ද, මූක්කුවත්ත" මාර්ගය වූ නිසාවෙනි. කෙසේ වෙතත් සිරිපා අවාරය නැවත මතකාවර්ජනය කර ගැනීම සදහා සැන්දෑ වරුවක "අවාරයේ සිරිපා" රූප රචනාව නැරඹීමට පටන් ගන්නේ අවාරයේ සුන්දරත්වය නැවත නැවත බැලීම මනසට මහත් වූ සැනසීමක් වන නිසාවෙනි.

පුදුමයකි. "මල්ලී මමත් තුවාල වුනු රණවිරුවෙක්.. හැකි නම් මීලග අවාරයේ මාවත් රැගෙන යන්න" යනුවෙන් සටහන් කොට ඇත්තේ "අවාරයේ සිරිපා" රූප රචනාවට පහලින් ඇති අදහස් පුවරුවේ ය. සැබැවින්ම හදවතක් ඇති මිනිසෙකු වශයෙන් මෙම ඉල්ලීම කෙසේ නම් ඉවත දමන්න ද. අප මෙවර අවාරේ සිරිපා කරුණා කරන්නට පිඹුරුපත් සකස් කලේ මේ විරෝධාර රණවිරුවාගේ ඉල්ලීම නිසාවෙනි. සැබැවින්ම තිබූ වැඩ, රාජකාරි කොටස එහෙ මෙහෙ දමා සැළසුම් කොට පොහෝ දින උඩ මලුව වැද පුදා ගැනීමට වැඩ කටයුතු සූදානම් කර ගත්තේ දින කිහිපයක් ඇතුලත යි.

ගිණිගත්හේන නගරයෙන් අපේ නඩය එකතු වූ අතර නල්ලතන්නිය වෙත ගමන් කරණ විට සවස හතර පමණ වී තිබුණි. පාලුවට ගිය නල්ලතන්නිය පුරා වසා දමා තිබෙන කඩ පේලී රාශියකි. ඉද හිට එහෙ මෙහෙ යන ගම් වැසියකු, පොලිස් නිලධාරියකු හැරෙන්නට මුලු නල්ලතන්නියම පාලුවට ගොසිනි. මීදුම් සේලයකින් වසා ගත් සමනොළ කන්ද දෙසින් ගලා එන සීතල සුළග කඩ දොරක,පිළක සවි කොට ඇති ගැල වී ගිය කැන්වස් රෙදි අතරින් හමා යද්දී නැගෙන හඩ කුඩා වේලාවකට පැවති නිහඩ තාවය බිද හෙලීය.

මෙවර අවාරයේ සිරිපා කරුණාව පෙර පරිදි සරළ නොවීය. මක්නිසාද ‍යත් සිරිපා කරුණා කිරීමට දින කිහිපයකට පෙර "නෝර්වූඩ්" ප්‍රාදේශීය සභාවෙන් අවසරයක් ලබා ගත යුතුය. එම අවසරය සහිත ලිපිය ප්‍රාදේශීය ලේඛම් ගේ අත්සන සහිතව රැගෙන විත් නල්ලතන්නිය පොලිස් ස්ථානාධිපති තුමාගේ අවසරයද සහිතව නඩයේ සාමාජිකයින්ගේ නම්,ගම් ලියාපදිංචි කොට යන,එන දින සදහන් කොට සිරිපා කරුණා කල යුතුව තිබූ නිසාවෙනි. කෙසේ වෙතත් මේ සියලු කටයුතු "උදයංග" අයියාත්, ලොකු පීරිසුත් සිදු කර දුන්නේ මෙවර අවාරයේ සිරිපා ගමන සැබැවින්ම සිදු කරන්නට හේතු වූ කාරණාව නිසාවෙනි.

ඉදිකටුපානෙන් ඇහැළ කනුවටත් ඉනික්බිතිව මහගිරිදබයටත් ගොඩ බට වී සිරිපා ඉමේ ඉහල මලුව දක්වා ගමන් කලේ අධික මීදුමත් සීතල සුලගත් මුලු මහත් පරිසරයම වෙලා ගනිමින් පැවති උදෑසනකයි. ඉද හිට බලෙන් මෙන් ලබා ගන්නා චරිත් අයියාගේ ගමන් මල්ල වැඩි හරියක් කර තබාගෙන ගමන් කලේ ගයාන් සහ ලොකු පීරිස් විසිනි.

අත් වාරුවකට බර වී ඉහලට ගමන් ගන්නා වීරෝධාර රණවිරුවකුගේ වීරත්වය අද අප විදිනා නිදහස වෙනුවෙන් කල කැප කිරීමක් වග චරිත් අයියා දකින සෑම මොහොතකම අපට සිහි විය. අතීතය පලක් නැත නමුත් අතීතයේ කල කැප කිරීම් වර්තමානය සහ අනාගතය සදහා බලපානු ඇත. කෙසේ වෙතත් වීරෝධාර රණවිරුවකු මෙවර අවාරයේ බුදු රජාණන්වහන්සේගේ පාද ස්පර්ශය ලැබුවා යැයි විශ්වාස කෙරෙණ සිරිපා උඩ මලුවට අපත් සමග කැටුව ඒමට හැකි වීම අප ලද ආත්ම අභිමානයකි.

සිරිපා මලුව සුපුරුදු පරිදි නිදහස් ය. එතැන සිටින්නෙකුට දැනෙන්නා වූ හැගීම වචනයෙන් විස්තර කල නොහැකි තරම් ය. පැය දෙක තුනක කාලයක් සිරිපා මලුවේ ගත කල අප නැවතත් පහලට කරුණා කරන්නට ගත්තේ මෙවර අවාරයේ සිරිපා කරුණාව අවසාන කරමිනුයි.

ආයුබෝවන් මම දිනේෂ්.

OffSeason Foot Pilgrimage to Siri Padaya (Adam’s Peak)

Each year, it is the tradition of our gang to make a pilgrimage to the holy mountain of Sri Pada. For so many centuries, Sri Lankans have considered Sri Pada a sacred mount; we believe the footprint on the Sri Pada mountain peak belongs to Lord Buddha. The history runs even further than the 5th century CE; the mountain is called Samantakuta, meaning it belonged to a god named Samantha( God Sumana).

We usually pilgrimage this holy place during the offseason and through thick forests, which will give us more adventurous memories. But this time, it was all changed due to one comment on my previous Sri Pada video. The comment was from one of our heroes injured during the civil war in Sri Lanka. We asked this hero to join us in our journey. So, for our gang of 7, we chose the Hatton Nallathanni route to pilgrim
Mount Sri Pada was misty, and it was a fantastic experience for all of us.
This is the video of our pilgrimage, how we climbed, lodged, and did all the holy liturgics. I hope you will enjoy the video

Greetings,
I am Dinesh!
➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖
Instagram -   / dinesh_a_pathum  
➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖

“Copyright @ [Dinesh A Pathum 2023]. Any illegal reproduction of this content will result in immediate legal action.‼️“

#awaresripade #offseasonsripada #adamspeak #mistymountainssrilanka #placestovisitsrilanka #nature #biodiversity