Ижтимоий тармоқ орқали ҳақоратли сўзларни айтган шахслар аниқланди, улар қилмишидан пушаймон бўлди

Ижтимоий тармоқларнинг қозоқ сегментида тарқалган видеолавҳа кўпчиликнинг эътирозига сабаб бўлди. Унда ўзбекистонлик 2 йигит маст ҳолатда қозоғистонлик фуқароларнинг шаънига тегадиган даражада, куракда турмас сўзларни айтишган эди. Бу лавҳа нафақат қозоқ биродарларимизни, балки ўзбекларни ҳам ғазабини келтирди.

Хоразм вилояти ИИБ томонидан олиб борилган суриштирув ишлари натижасида бу шахсларнинг кимлиги аниқланди. Улар Хоразм вилоятида яшовчи ака-укалар бўлиб, илгари Қозоғистонда ишлашган. Ҳозирги вақтда Россияда меҳнат қилишмоқда.

Ўтазилган профилактик суҳбат давомида улар ўз ишидан пушаймон эканини, ўша пайтда маст ҳолда бўлишгани сабабли, оқибатини ўйламасдан сўзлаганини билдириб ўтишди. Улар қозоғистонликлардан узр сўрашди.