Pu V. Zirsanga CEM, LADC chuan, Krismas leh Kumthar atan thil pek semna hun a hmang

Lawngtlai Dt. 22nd December 2023 Vawin hian Pu V. Zirsanga, CEM, LADC chuan, Krismas leh Kumthar hunpui lo thleng tur pualin hengte hi tlawhin thilpek chi hrang hrang a hlan:-

1. Lairam Rescue Centre.
2. District Jail Lawngtlai.
3. Lairam Christian Medical Centre, Lawngtlai.
4. Christian Hospital, Lawngtlai
5. District Hospital, Lawngtlai.
6. Lairam Motherless Home.
7. Traffic Police Duty.

Heng a tlawhnate hian an lo dawng tha hle a, an mamawh leh pawisa Krismas chibai buk nan a hlan bawk.

Pu V. Zirsanga, CEM chuan thusawiin, Kristian te'n kan hunpui ber alo thlen dawn hian, chhungkaw kima hun hlim taka hman kan duh thina, kan chhungte kal hmasa te pawh kan rilru in a hrechhuak thin a, an thlan tal kan cheia duhsakna kan hlan thin. Khua an tiharin kan lungte pawh a leng thar leh thin a ni. Tin, a theih hram chuan mahni in lam panin, hmun hla tak atang pawhin kan haw khawm hram hram thin a. Mahse, mahni in chhung lum pan thei lovin mi tam tak chu harsatna in a tlak buakte, dinhmunin azir loh avangte leh khawvel Danin a danbeh tlat te an awm thin a. Hengte hi an lainatawm a, a enkawltute midangte tana inpe tlat; midangte tana hun leh theihna hlantu tam tak an awm bawk thin a, chungte chu an ngaihsan awm hle a, zahna chibai kan buk bawk a ni, a ti.

Pu V. Zirsanga, CEM chuan heng hunpui kan thlen dawn hian, harsatna hrang hrang tawk thinte hi mitam takin duhsakna thil pek an hlan thin tih kan hria a, alawmawm tak zeta kan chin chhunzawm zel pawh beisei ila. Keini LADC Sorkar pawh hian, harsatna hrang hrang avang a Krismas leh Kumthar mahni in chhungkhura hmang ve thei lote hi, kan lainat a, kan thinglungah incham reng thin a. Thil Ropui tak tihsak thei lo che u mah ila, he hunpui lo thleng turah hian, kan hrereng che u a, intan theih tawpchhuah zel pawh kan in huam ani, tiin thuchah sawiin thil pek a hlanin, Krismas chibai bukna a nei nghal bawk.

Pu V. Zirsanga, CEM hi, Pu C. Hrangthianga E.M. Pu Lalropuia Chinzah E.M. te'n an tawiawma thusawina an nei bawka, Oficial atangin Pu K. Lalramliana Executive Secretary, LADC leh Pu C. Lawmsangzuala I& PRO, LADC te'n an tawiawm bawk.