لمتابعة "المفارق" على جميع التواصل الإجتماعي ::
https://alfan.link/almfarig


فهد بن فصلا و جفران بن هضبان - بن حطاب الكعبي (حصرياً) | 2024
Fahd bin Fasla and Jafran bin Hidban - Bin Hattab Al Ka3bi (EXCLUSIVE) | 2024



اهداء إلى : محمد بن ناصر بن حطاب الكعبي
كلمات الشاعر : سعود بن مبارك
اداء : فهد بن فصلا وجفران بن هضبان
تصميم : المفارق




الكلمات :

أذَّن المذن وأنا بين صبحا و الحصاه
قلب نجد اللي يضخ الغلا شريانها

الصلاه وخير مايفعل العبد الصلاه
طب نفسه كل ماغتزها شيطانها

عزتي للي تغره ملذات الحياه
الحياة احلام مايقتضي ديانها

السنافي ينسف الكلمة العوجا وراه
الهروج الهينه ردها حقرانها

والعزيز يعز نفسه على باب الغناه
والذليل اليا بغا عز نفسه هانها

شاعرٍ مانيب ادنق تحت كم العباه
رافع ً راسي ونفسي عزيزٍ شانها

والله إن فيني على مدحة الطيب شفاه
والقريحة عادني خابرٍ طغيانها

ماتهاوي غير من فعله اطيب من حكاه
وابو ناصر كاحلٍ بالفعول اعيانها

يامحمد يابن ناصر مواريث الدهاه
انت من سادات دولة قطر واركانها

جدك اللي يلطم الخصم ويذري ذراه
عاد بعض الناس تشحذ عشى ورعانها

شاهرٍ صيته ومن يطلب الفزعه لقاه
والمجالس ينفح العود مع بيبانها

والدلال اللي تداحم على جمر الغضاه
والقدور اللي تطاها على قعدانها

ياحفيدة ياسمية وياحامي نباه
فيك هقوات النشاما رجح ميزانها

اسم ابن حطاب مبدا المديح ومنتهاه
والحقيقة مثل شمس الضحى برهانها

مقدم الكعبان ربعه مطوعة العصاه
هم عشاشيق المراجل وهم شيخانها

يابو ناصر ساحة الهجن ماتبغي وصاه
وانت زيزوم النواميس وانت حصانها

كل شوطٍ سبّقك فيه ترفع مستواه
مثل منتب رافعٍ سوقها واثمانها

لا لقيت السابق اللي مثل وصف المهاه
تكتب الشيك المميز على حجبانها

اقلط بمصقولة الراس والشقرا الفتاه
لا ارتفع صوت التحدي على ميدانها

الاصيل اللي على ساس مافيها اشتباه
مايسرّ الجغولي في حدا جدانها

لا استذارت واستعدت وشدت الانتباه
وانثنت عقدة رسنها ومس بطانها

خلها في ساحة الريس لادارت رحاه
تاخذ الشوط الرئيسي على ذرعانها

لا ذعرها الصوت تكفح مثل فرخ القطاه
ماتشوف الا زبدها على لحيانها

زعفروها في النهايات يامال النجاه
وارزفو بمصقلات السيوف اوزانها

دامها تحمل شعار ابن حطاب وغلاه
تستحق اتحلب الخور في حيضانها



#شيلات
#مسفر_السندوانه
#شيلات_الهجن



______________________________



لدعم قناة المفارق على paypal ::
https://www.paypal.me/almfarig

للتواصل عبر الواتساب ::
WhatsApp: https://wa.me/96896516488