لايك للفيديو + إشترك معنا
subscribe + Like

‎فعل الجرس 🛎
‎ليصلك كل جديد✔️
..

" سنابي "

  / u511a  


شيلة مهداه الى : عقاب الميموني

كلمات : سلطان الحويقل

تفهّق ي العقاب اللي تشرّف في حجى المرقاب
عطاك الله جناحن في مدار الكون تومي به

على القمه مثل شيخ الصفوف اللي على المحراب
تقول انك تيمم قبلته و دعاه تدعي به

ورى ما تشبح انجوم السماء و تعانق الهباب
بعيد الحوم حومه ينبي اعن العز و الهيبه

ابى وكرك وابى لفح الهوى الغربي وابى الهنداب
وابى هاك الجبل ماعاد تشره في مراقيبه

لاونك تبخص الاوضاع والا تعرف الاسباب
تركت الرجم للشاعر ليا كثرت هناديبه

ليا قامت مراييش العيون تغازل الخطاب
مهرها كل بيتن ينتقي بدعه و تركيبه

تعبنا من طواريق الغزل ومعاتب الاحباب
ماغير العذر مثل العذر و الغيبه ورى الغييه

ودلهنا مع مشاعيف البكار و نسع الارقاب
وهذا دارن نضحي به وذا دارن نعشي به

ماناوي للسقوس الشهب والا التيدر اللعاب
على شف الطياح اللي مزوعتن جناديبه

ليا قام الولد مع درب عوباً قضعها ب الناب
فداها كل ماف الجيب لا منه ركب جيبه

ترى الترفيه عند البدو والا سياحة الاعراب
لا طبوا فـ المعاشي بام خده و ام تطنيبه

يسابقنا الصغير اللي مايعرف صالة الالعاب
على بيت الشعر و يشد عمدانه واطانيبه

نصد الصده اللي ماتشابه صدت الغيّاب
مع فجوج الخلا و المرقب اللي عاويً ذيبه

ومادام الشوق ينبش عن جروح السامح المنصاب
ترى ترك اللزوم اكبر جريمه واكبر مصيبه

سميك ي العقاب عقاب وفعوله فعول عقاب
تفاخر في مخاليبك و يفخر في مخاليبه

يبشّر ب العشاء و يجمّل الاجناب والاصحاب
ياحي الطيّب اللي يستمد الطيب من طيبه

تمرجل و المراجل ماهيب لكزس و صك تراب
ليا قام الضعيف ايحوشها من تركة الشيبه

نعرف المرجله في نطحة الواجب وفتح الباب
يصد الاش والا الكفو ما يرخص مواجيبه

سنام المجد و حزام الظفر و الماقف الغصاب
يحاضيها مطيريً مجودتن مقاضيبه

ياجعل الغيث يابوغيث و المتحدّر السكاب
على قصرن ضيوفه ماتوخّر عن معازيبه

بنيت المجلس اللي ساسه التقدير و الترحاب
على الاربع شوارع تسمع العربان ترحيبه

ليا رد الخبر وسط ( الخُبر ) عن مجري الهياب
لقيت العيلم اللي تبهج الضامي مشاريبه

ندله ونعرف راعيه قبل انعرف قوقل ماب
على كبد السماء للمنتحي تشر مشاهيبه

ماجنبه غير قصر الحاكم اللي طوّع الاصعاب
مقامات الرجال اتعلمك و ش قيمه الهيبه

مراكيز الدلال الحدب في وسطه تقول هضاب
ماتعبى غير من بن الحيش و قناد ابوشيبه

هذا من غير ذبح الحاشي اللي يتعب القصاب
ليا دق انحره مش القديمي في عراقيبه

وخشيب العود كنه لون صفراً وسمها المشعاب
تلذع والتنافس بين روس مطير و عتيبه

فرج وعقاب ذخر الشايب اللي عرّب الانساب
من اللي فعلهم في نجد كل الناس تدري به

على ميمون و مطير العظيمه ترهم الالقاب
اهل مجدن ماتلحق حده الشكات و الريبه