الكلمات

بسم من لسجد لوجهه وهونعم الوكيل
ربنا اللي نرتجيه العزيز وذو الجلال
استعنت الله وغنيت بالقول الجزيل
وهاجسي في كايد العلم ياتي بالجزال
عند ربعي عدما الصبح عقب كل ليل
وعد ما البراق يشعى وسط نو الخيال
يامرحب بكل وافي
شرف وجاء للمضافي
لاقوه كم من سنافي
سنح الرفيق وذراه
لا العلم صعبً وكايد
والجو غادي وقايد
ترقى بهم بالسنايد
ياسعد من هم وزاه


ربعي اهل الجود والعز جيلً بعدجيل
مكرمين الضيف شجعان وافين الخصال
صبة الفهيد لابه ومقبال الدخيل
كاسبين الجود والعز برهاف السلال
نسل حارث ترهب الخصم لااختل الذليل
بالجرامل رايد الجو وطوه الرمال

اهل الشروع الطويله
ما يقبلون الهزيله
ومشرفين القبيله
في كل منصى وجاه
من عادهم بالخيامي
لاالجو ثاير وحامي
تارد ورود الحيامي
ما فكرو بالنجاه


قدركم مثل الحيود الجسيمه ما يميل
شامخ اشموخ الرواسي متينات الجبال
الشحم والعود الازرق وفوق البن هيل
نفحته تقبل وتطفر بها صفر الدلال
في مضافً فيه ترحيب بالصوت الطويل
في يلقى الضيف لاغمار سمحين القبال

وفي فرح رجل غالي
صالح بعيد المنالي
من نسل زبن التوالي
الله يطيب ثراه
علمه ينومس رفيقه
لاجاه همً وضيقه
هذا هدفه وطريقه
ما ينثني من نصاه
صالح اللي نذخره لاغدى الموقف جليل
وقفته تشفي وفعله ليا ضاق المجال
نسل شايب كل ما النار شبت بالفتيل
قال رايه واقدمو به طاطيح الرجال
لابةً يوم الندا قوم يشفون الغليل
يندحن من وقعهم حيدها الشامخ ومال


اهل الوغى والحرايب
والعز ياتي غصايب
والشور واحد وصايب
ربعي شغام العداه
سترالهنوف العفيفه
ومزبنين المخيفه
ولاجودي تستضيفه
يلقى المراد ومناه

ارحبو يامرحبا عد همال المخيل
وعد ما يدوي من الغيم رعاد الشمال
من تعنى اليوم للحفل كساب الجميل
في محل ً فيه لاجواد ذربين الفعال
مرحبا ترحيب وافي فعل يتبع لقيل
نورت بقعى وجا السعد يوم الاحتفال