لطلب التصميم واتساب فقط
https://iwtsp.com/966562431856

اشترك في قناة نجم عبيدة الرسمية وفعل زر التنبيه
   / @nagem_abidah  

لمتابعة المصمم نجم عبيدة على وسائل التواصل :
https://alfan.link/nagem_abidah

================

شله مهداه إلى الشيخ / احمد بن جهيم

وأبنائه:
حامد بن احمد بن جهيم
علي بن احمد بن جهيم

كلمات / عبدالرحمن بن مضواح
اداء / فهد بن فصلا

كلمات العمل

موجات الارسال قامت ذبذبتها تطول
وقامت تخالفني أحلامي على مفترق

الظاهر ان الخلَل كله من الكنترول
والنوم من مقلة عيون الحرار انسرق

مناكب هجوسي تضرا بشل الحمول
تواجه الضيق لاتفتر ولا تِدرق

لعن الله ام الضعافه والكسل والخمول
اللي مضرا بها لازاد حمله شرق

إلا انت ياللي تقول وما اعرف وش تقول
لاحارت ودارت اجلس فالطرف وأنفهق

صمخ البيوت العظام اللي تجيب الذهول
العبها من غزاره مثل لعب الورق

وان كانك تشوفها أقسى من حروب المغول
أشوفها الطف من انسام الهبايب وارق

يامهتوين الكلام اللي يجي له قبول
الاتفاقات ماتسهل على المتفق

قد قلت ابا أغيب غيبة متعبين الخيول
لاكن وش عذري امن اللي يحفظ الرفق

لو ان ماني على الساحه واهلها رسول
لاكن لاغنيت قمت احدهم في نفق

واليا مدحت امدح الطيب جزيل الفعول
المدحه اللي على نوماس ماتحترق

ماهوب شرط ان راع الاوله يازحول
ماينلحق من جميع الناس والحق حق

لاكن ليا قلت ابومنصور عَمق الاصول
عز الله ان ماهو بيُسبق ولا ينلحق

احمد بن جهيم ابن عمن يقول ويطول
ماهيب تغبَى فعوله مع مغيب الشفق

عياله منومسين وصيتهم مايزول
علي وحامد عساهم لـ السعد والوفق

والكرنفال المحدد يوم سجل دخول
الله يعين المرور يساند امن الطرق

الله من العرف والفزعه وزين القبول
اعطاهم الين قامت فالبشر تندفق

واخوانهم فزعة المبلي نهار يهول
لآثار عج المهار وزاد رمي الفشق

عيال عودن معاريفه تسد الخلول
خذها من اللي ماجاب المخطيه لانطق

ادهى الدواهي ليا من حل قرع الطبول
واصدق من الرمح فـ نحور العدا لازرق

اعطيه علمن قوي ويقول هاك الحلول
تقول برقن على كبد الخضيرا بَرق

احدٍ تبشّر به ومن دونك ظرفك يحول
واحدٍ ماتبشر به إلا في عصيد ومرق

وان قلت عزوة شريف اللي تصول وتجول
مدقالهم مثل سيلٍ فالرواسي صفق

يكفيهم ان شِيخة اللابه وفك القفول
من صوبهم ماطمع فيها الذليل وشفق

لامن ذِكر طاري ابن دليم شيخ الفعول
لـ اسمه وفعله عمايم عزوته تنطلق

قحطان ماهم بغصن تاليته الذبول
إلا زحول نباهم فالجزيره فرَق

واللي حزامه عيال العود يقدر ينول
ويسهج وجيه العدا من عنفوان وطفق

وانا سفير ال مَقرح والحباب الزحول
ربعي واماري بسمعتهم ورب الفلق

عبدالرحمن بن مضواح

..


▪لاتنسى الاشتراك بالقناه.
▪️لايك اذا عجبك الفيديو. 💜
▪انشر الشيله في قروباتك و اي مكان تبي لاهنت 📲
▪️ولا تنسى تفعيل ( 🔈) الجرس عشان تشوف كل جديد و حصري ..


////////////////////////// ‏

#شيلات #فهد_بن_فصلا #نجم_عبيده #جديد_2024