الحقوق محفوظة للقناة ، أي محاولة لرفع الصوت أو المقطع على قناتك ، ستعرضك للمساءلة و تعرض قناتك للإغلاق .
فقط أنشر الرابط و أستمتع بالجزالة هنا.

هذه القصيدة الجزلة من كلمات شاعر المفردة الحكيمة ، الشاعر : ذيب بن دخيل الحبابي ..

تشرفت بأداء هذه القصيدة مع أخواني الغالين ، قينان العاطفي ‪@Qinan_Al_Atefi‬ و صالح الخزماني .

كلمات القصيدة :

‏اتمنى ليت هرجي يقدم بالورود ..
يوم بعض الناس ماتنبغي قصايده ..
السنافي كل يوم ن ترا طيبه يزود ..
و الوفاء لله محيي العظام البايده .

‏ودي أقدم كلامي ولا بيح السدود ..
وعادة الزراع يجلب جنى حصايده ..
من تردا فبن عمه ترا مامنه فود ..
كيف ضيع راس ماله و يبغي فايده

‏ولا بغيت أتمكن العود في عين الحسود ..
خل زلات إبن عمك وذب النايده ..
لاتعود للسوالف مسامير الكبود ..
السنافي عزة النفس من عوايده .

‏والمراجل كايده مثل طلعات السنود ..
كنها اللي في عروض الجبل متعايده
خلها ولها جمال ن تراكا للشدود ..
ترتكي بعزومها للحمول الزايده .

‏ون بغيت الراي لا تقتني راي معقود ..
ون صفا لك سيد القوم ولا سايده ..
وطلب اللي مد جوده يغطي كل جود ..
مايجيك لك كود شي ن وربك رايده .

و ان عطاك الله فالمد من كف معبود
و الفقير يموت ما تنفعه رفايده
و ألتمس للزين ما انت بعلى الشين محدود
و من حرمك الله منّه فلا انت بصايده

وأنتبه للعلم ياللي تمدح بالجدود ..
النمر و الذيب عشاه من صوايده
‏ونت يارجال ليصار جدانك فهود ..
مس حبل البيت لاترتخي عمايده ..


ون تراخا طاح ماعاد ينهضه العمود ..
مثل من سوى عياده ولاحد ن عايده .
‏ون بغيت ان المسير على بيتك يرود ..
لاتنطح نقشة الباب للي رايده ..

افتح البيبان والضيف ماعنّه صدود ..
وقولت أرحب للمسّير من أحلا مايده .
و ان نويت الجود فلا تماطل بالوعود
خل من بينك و بين الملام محايده

‏وسامحوني لا حصل في الشعر نقص ن وزود ..
فالصحافي ينتقد في بعض جرايده ..
وأتعذّر منك ياشوق واقفة النهود ..
لو بشبها من الريم قلت القايده

‏رشحوها في لسامي وسموها العنود ..
كلما الوسمي تبكر رعت قلايده ..
لاوحت بالصيد مقطع حثاث من نفود ..
صاعها الرمّاي و أقفت على شرايده.

و عود القناص من عقب رثمات الحيود
كان يبغي صيدها ما درى انها كايده

ذيب بن دخيل الحبابي