عيون الحب لايمكن تناظر
عيوب الخل لو هو عيب كله
تماري فيه بوصفه تكابر
ترى من فوق خلق الله محله
رفيق الليل في الشباك ناطر
وأثاري الليل شباك لخله
حفظ أحلى الكلام وصار شاعر
بصبرٍ ينتظر والصبر مله
حبيبٍ عشت في دنياه عابر
حسب قوله ويا شعري في قله
أنا ضحيت له وأرجي وصابر
وإذا عيا أقول الله يحله
على اللي ينتظر يابعد باكر
يبي السلوان والذكرى تظله
عيون الحب في قلبي تناظر
تشوف اللي عيوني ما تدله