Sanitation Department, Lai Automous District Council chuan theihtawp chhuahin Lawngtlai District alo thianghlim zawk nan leh alo fai a, kan lo hrisel zawk nan hna a thawk thin a. Lawngtlai khawpui bikah hian nitin Motor lian leh, Motor lian kal theih lohna hmunah, Motor-te zawkin In-tin a bawlhlawh an khawn khawm thin a. Tin, khawpui chhung kawng dungte pawh a lo faia alo thianghlim zawk nan uluk taka phiah fai vek thin ani. LADC Sanitation Department chuan, mipuite hnenah he tiang hian ngenna leh hriattirna alo chhuah tawh a. Bawlhhlawh reng reng Garbage Bag emaw, Buara-ah emaw, Cement bag-ah tal funkhawm a paih thin tur a ni. Tin, thil rimchhhe lutuk leh ran thi leh a dangte Garbage bag-a tha taka pack a, paih thin tur a ni. LADC Sanitation Department chuan, Kolodyne Multi-Modal Transit Transport Project Road (KMMTTP) Phaikhang Mual-ah Solid Waste Management hmun tur a buatsaih mek a, he hmun hman theih anih hma hian, KMMTTP Road-a hmun pakhat ruat bikah kan bawlhhlawhte a paih lailawk thin ani. Mimal helai hmuna bawlhhlawh paih ve te pawhin, bun liam tawp mai lovin Department-in a tih dan thin anga, a ko sir a bawlhlawh tang te nam liam zel turin a ngen bawk ani.