Published On May 16, 2024
لوعتي فيك لوعة ما لها من مثيل
جدد الوقت جرحي بين يوم وليلة
آه يا حظ جِد ليّ لو بشيءٍ قليل
ما خبرتك كريمٍ مير ما فيك حيلة
حملي اللي أشيله فوق متني ثقيل
كل ما جيت أحطه عارضتني جميلة
ليتها عن هوانا تنتحي للبديل
كود حالك حبيبي يمي يطلق سبيله
من غلاك أفتخر بك وأعمل المستحيل
لو أعاني حياتي خل يعشق خليله
ما عرفت المذلة لا ولا أنته ذليل
عزة النفس فينا يا حبيبي حصيلة
سالت دموع عينك وأنا دمعي يسيل
حزني اللي ملكني والليالي طويلة
وقتي اللي طلبته منّ وأثره بخيل
شح وقتي ودبر ما عطاني قليلة
show more