Published On Dec 31, 2020
آه حب الوطن مثل الفريضه
آه والـشـوق عامل بي عمايـل
آه ياويح قلبي يا جضيضه
آه مشتاق انـا لجبال حـايل
رحت ابي ذكرياتي في مغيضه
جيت ماشفت غير جدار مايل
رحت ابي منزل نذكر مقيضه
جيت شفت النخل للهم شايل
شفت جـيرانـنا شدو غمـيضه
جيت راحو كريمين الشمايل
رحت ابي وادي ضاق بمفيضه
جيت والسيل قبل العام سايل
رحت صار النقيض اخو لنقيضه
جيت حـايل وانا ماشفت حـايل
رحت بين الـطويله والعريضه
جيت ما بينهن ضـاعت دلايل
رحت والقلب متعبني نبيضه
يامـحمـد لقيت الـظـل زايـل
.
للشاعر سالم الخزام
show more