Kakhof-eu gharduq huiqdui duiq-eu Miqyaer-euq arpyar

Tsawrhaq tiq ghaq maq narhaq geuf-euq mirnae, tsawrhaq ghawqmya’ni iqbaxzaq pyeuf-ir-euq lof-aer, tsawrhaq tiq ghaq narhaq geuf-euq mirnae, tsawrhaq ghawqmya’ni tsaq-awr dawr-eu tsawrhaq pyeuflar taef-a.
(‭‭Lormav‬ ‭5‬:‭19‬ ‭)

Aqdaq-aq baelaf-euq nar-aq yawmuiq jeq taef-aer siqnya-euq mae Aqjeq mirnae aernar-aq Miqyaer nae bae-euq Khoer-aq yawqjeq navluf yawmuiq mae (Ardanq bae-eu 1:31) Miqyaer Aqyawf nae bae-euq yawqjeq navluf aqdaq-anr bi uvlanr-eu gharduq aryaq binaeq-euq mae Teumirnae aqyawf-aq aqdir mar Mirtsaq heu-anr uvlanr-eu ghaq pyeuf-ir-euq mae khoer taef-aer maqngeur-eu Miqyaer Aqyawf-anr eqdeq yarkmr-euq ghanrcae jav-eu yawmuiq yawdoer tserpav nya-eu zaqsiq tsawrganr bif-eu Arbawr khoerbawr-euq arsir taqpyav dzaq laer aernaeq-euq mae

Miqyaer aqyawf-anr arsiq khoer dzaqnar-aq aqjeq keuvle-a laer aernaeq-euq mae Nawr dzaq ngaenan nawr yashirtaef-a laer aernaeq-euq ame (Ardanq bae-eu 2:16-17) aqjox-aer khawf ni Aqdaq Miqyaer-euq aerdawq maqnar haq-aer aqsiq khoer pyavdzaq-euq mae.aerdawq maqnar haq-eu khoer-aq Miqyaer-anr muir-eu jeq pyeuf mae Teubaqdaq mirnae Aqdaq ayawf-eu aryaq naef saqdaq nae yurgeuf-euq mae khoer mirnae naef saqdaq Mirtsaq-eu yawsanr pyeuf-ir-euq mae

Aerkhawf Miqyaer-euq zaqsiq tawrganr hawr-eu gaq-eu jeq li-eu maqbaw ni jav-awr tsawrhaq zaq-anr kakhof-eu gharduq arpyar jav-eu mirnae Aqyawf Aqdaq 2ghaq tiqghaq parbi oe-euq mae khoer-aq yeqsur mae (tsawrhaq pyeuf-eu aqdaq 2ghaq tiqghaq hawr-eu arsaq saq-eu aqdaq)…“Khoerlof-aer durni, Yaerbof-euq lafkhoer boftaq-euq, “Tsawrhaq yawbae ghaq pyeuf-eu Aqdaq-aq, daef-eu tsawrhaq pyeuflar-euq mae. Arsaq saq-eu Aqdaq ghaq-aq, daef-eu jeq bif-eu saflar pyeuflar-euq mae. Yawbae ghaq-aq, mirtsaq shaqjaev-anr nae pyeufdov lar-awr mirtsaq-anr taf-eu mae. Nyiq ghaq tiqghaq-aq, mq-anr nae oe-euq mae.
(1 Gawrliqtu‬ ‭15‬:‭45‬, ‭47‬ ) Aqduimaf nae gui-euq ardanq bae-eu yaerbof ardeuv-anr hawnar-aq Yeqsur kali Aqyawf aerdawq narhaq-awr darkawq laqyaf-eu khoertav shir-awr ghofdaef lar-euq baqda nae Adui Miqyaer naeq-aer ghawq-ir taq-euq khoer bi tsotsaf lar-euq mae

Sanqpaq yeqsur nae aerdawq narhaq-euq khoer-aq Aqdaq nae aerdawq maqnar haq-euq gar mrdan-euq jeq pyeuf mae khoer-aq aqyawf-anr kharjan-eu tsawrhaq-anr tsaq-awr dawr-eu tsawrhaq bipyeuf lar-awr mqmaq maqbyav zarzir daef-eu daefzir biza-eu laer mae Teumirnae tsawrhaq zaq-anr kakhof-awr tsaq-eu dawr-eu Miqyaer-euq arpyar-aq. Yeqsur kali pawnae mrluiv-euq mae Teumirnae Yeqsur aqyawf (Yorhaq 14:6 )eu lafkhoer heulof-aer ngaeq-eu mae “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a. Aqyawf-aq mqmaq maqbyav zarzir bibuq-ir-eu garma pyeuf mae haleluya!

Guiqlanq Shardawq

Gaqdui dui-eu aqdaq Miqyaer-or ngamaf nawqnae laeqhmq taq-awr Yeqsur kali nae aerdawq narhaq-euq baqda nae ngamaf-anr kakhof naeqlaf-euq mirnae guiqlanq huiqma
Nawqnae ngamaf-eu gharduq shirdan-awr yawshaef khanqsaer sanrdui dui-eu lafkhoer ghofdaef lar-euq mirnae guiqlanq huiqma ngamaf Yeqsur kali lafkhoer yawdaf daef-eu maqcawv-ir nya-awr maqbi lacawv nya-eu uqtaf maqcoeq dzae-ir nya-eu pawnae Nawq-eu guiqlanq yawdzanr gaq-eu jeq hawr-eu tsaq-awr dawr-eu jeq-anr byaqhaw naeq-eu ghaq pyeuf ma Aqmen

Guilanq-eu 1Gawrliqtu 15:22/Piripiv 2:8/Heqbyaer 5:8-9


#คนที่ถูกสร้างใหม่ #คริสเตียนอาข่า #ชีวิตใหม่ในพระคริสต์ #พระวจนะแห่งความจริงอาข่า #อาข่าในประเทศไทย