He hla hi Pu Joseph Rinsanga phuah a ni a, a mawi ka tiin ka testimony hla ka tih ve ngam a ni. Khawvelah hian hun khirh kan tawk fo. Kan mangan lai a awm, kan berh lai a awm, kan chauh lai a awm thin. Mahse engkim hi a ngai reng lo a, kan hrehawm reng hek lo, kan tan khua a lo var leh thin. Pathian hi a awm a, kan tan a nung thin. Amah kan hnaih tlat chuan a hunah thil tha min pe leh thin. Beidawnna hi tlanbosan tum tlat tur a ni, vawi leh khatah thuthlukna siam mai loh tur, Pathian hi a ngah tlak takzet... He hla hi ka nuna thil thleng tam tak pholanna a nih vangin ka duh em em a, dahthat atan kan sa ve a ni. Rimawi min tumsaktu, Hrila USA lama awm mek hnenah lawmthu ka sawi tak meuh meuh, chumai nilo, recording min buaipuitu Zta Khawlhring chungah ka va lawm em, kan vawi khat tih dunnaah a phur thiamin a bula awm a nuam em em...englai pawha mi duhsaktu Vanlalsailova, a studio ka hman sak chu sawi loh, a tihtur ka ṭhulh tir vek mai zel te, aaaa ka sawi vek seng lo e... engpawh nise Pathian ropui nan nise, chu chu kan ṭawngṭaina a ni e...