مؤخرا بدأت نون بالدخول في عالم صناعة المنتجات المتنوعه وقد قمت سابقا بتجربة سماعة الراس الخاصه بهم وللامانه كانت من افضل سماعات الرأس الي استخدمتها و سويت حلقة تكلمت فيها عن السماعة تقدر تروح و تشوفها
و اليوم عندنا سماعة الاذن من نون سماعة مواصفات ممتازة وزن خفيف و صوت قوي وواضح و ارتباط سريع و سهل اشتريت السماعة وكان عليها عرض كان سعرها ٦٠ ريال تقريبا لتفاصيل اكثر عن السماعة تابعوا الحلقة
نبدا اولا بالتصميم
تصميم السماعة جميل متوفره بلونين ابيض و اسود انا اخترت اللون ابيض لكن ما انصحك تأخذ اللون الابيض لان الاوساخ و الخدوش تظهر عليه بشكل واضح
بالنسبه لشكل العلبة شكلها مستطيل للامانه ما اعجبني شكلها كثير تمنيت لو كان اصغر شوي لان هذا الشكل فتحه بيد واحده صعب لازم تستخدم يديك الثنتين
عندنا في اعلى العلبة شعار نون ايست وفي الامام نقاط تظهر لك شحن بطارية العلبة وفي الخلف منفذ الشاحن للاسف منفذ الشاحن من النوع القديم ميكروا تمنين لو كان تايب سي وفي الاسفل عندنا معلومات عن السماعة
اوكيه عند فتح غطا العلبة لازم تستخدم يديك الثنتين لان حجم العلبة مستطيل ف صعب تفتح بيد واحده، عند فتح العلبة رح نلاحظ ان جودة العلبة عادية ما تخليك تشعر بفخامة التصنيع.
السماعات داخل العلبة بهذا الترتيب عندك احرف تميز لك مكان كل سماعة حتى تسهل لك ادخالها للامن عانيت من هذه المنطقه في سماعة جوي روم لان ماعندهم هذه الحروف و السماعة مثبته في العلبة بشكل جيد و يوجد مغناطيس يساعدك على ادخال السماعة
تصميم السماعة انيق خفيفه الوزن و ثابته في الاذن و الوساده مريحه و يوجد في السماعة اضاءه زرقاء تخبرك انها تعمل
السماعة تدعم التحكم من خلال النقرات و بالنسبه لصوت السماعة ممتاز استريو قوي وواضح ولايوجد فيه تأخير وبالنسبه لعزل السماعة للضوضاء الي حولك متوسط وبالنسبه لمايك السماعة ممتاز صوت واضح و بدون تقطيع مشابه لصوت مايك الجوال حتى اذا اتصلت على احد مارح يفرق انت تكلمه من مايك السماعة او الجوال وهذه نقطة تحسب للسماعة
السماعة فيها بلوتوث اصدار ٥ رح يربط لك السماعة على نطاق ١٠ متر و طريقة ربط السماعة من النقاط الي اعجبتني فيها سهل وسريع طبعا لازم تكون السماعات خارج العلبة حتى تستطيع الربط
بطارية علبة السماعة بحجم ٥٠٠ ملي امبير و بطارية السماعة ٣٠ ملي امبير مدة تشغيل السماعة سواء في الاستماع او الاتصال ساعتين متواصله
وبالنسبه لشحن السماعة تدعم اشحن بقوة ١٠ واط و مدخل الشحن من نوع مايكرو يو اس بي
السماعة تعمل مع جميع الاجهزة سواء كان جهازك يعمل بنظام نظام اندرويد و ايفون و الكبيوتر او اللابتوب
خلاصة تجربتي مع السماعة ممتازة انصحك تشتريها اذا كنت تبغى سماعة بسعر اقتصادي و مواصفات ممتازة اشوف هذه السماعة من افضل الخيارات لك
النقاط الي اعجبتني في السماعة
المايك و صوت السماعة و العزل متوسط و سرعة الربط بين الجوال و السماعة البطارية وسرعة الشحن ممتاز
النقاط الي ما اعجبتني فيها
ما تقدر تفتح العلبة بيد واحده و مدخل الشاحن من نوع قديم
وسبحانك اللهم وبحمدك اشهد الا اله الا انت استغفرك و اتوب اليك.
======
المعدات المستخدمة لإعداد الحلقة :
- الكمبيوتر : iMac 21.5 2019
- برنامج المونتاج : Final Cut Pro
- الكاميرا : iPhone 12
- المايك : Samson Q2U
------------
حسابنا على تويتر :
http://bit.ly/2HlfgVP
------------
رابط قروب ملاك أجهزة سامسونق جالكسي على التيليجرام :
https://t.me/GalaxyNow