LIANCHHIARI HLA
Phuahtu: TBC Lalramkima.
Dt 30.11.2015.
**********************
Lal lai ngûrpui van hnuai thang fa,
Sakhmel ṭha chuang kimtlâng mawi hluan LIANCHHIARI;
Tuahtir di nen hlim te'n lêngin,
Khiangawih zâi a rêl e;
Chawngfiang vâla tâwn â'n.
A man tangka aiah sepui,
Laifei chengrâng aiah hrei-ha,
Thuam chhawm phurh hlân dang a ngai nem le,
Tiin, biathu nêm te'n an thlun e.

Mahse, palai dawt lêng sêl chuan,
Rianghlei nau fa hnamchawm Chawnglunga rûn ân,
A ngûr lanu lawi lul lo ve,
Lal ngêng a chhun e, ziatial iang a hrâng an ti.
A di vâla thinlai ṭhâwng e;
Zantiang reh ân, Chhingzâwl zuan e,
Hmâwng ang pêm tur hrui ang zâwt lo ve;
Chutin sam ang an inṭhen ta maw.

Tleitir lûng mawl suihlûng lêngin,
Lûnglên tlâng ân chhingzawl vangkhua zu thlir e.
Thlenghial ân maw tual a lênna,
Ami cho rual loh lên thiama ami za hril.
Dârtawnsûk tle chhingmit a kâi,
Tahpuan khawn zai a rêl thei lo;
Laikhum zâlin zan mu chhin rêl lo,
A di zûnlêng ngaih a zual zel si.

Thu leh biahzai chah hmain maw,
Puallênga sûm tin tuak châng a ngai rih chu,
Lêng dang pawm ân chûnnu'n thu râwn;
Tum loh lêng tâwn ân khuandîmin a liam ta e.
Kum sûl lo vei di hlui tawng leh,
Buan ang pawmin lunglên thu hrîl tlai khuavar in khawnthiang zû dâwn dûn,
Zâlpuan awng bîn Pawngsena tlaivâr e.

Hmangaih zûnzâma uai hning hniang,
Zai tuahrem thiam LIANCHHIARI lûnglên tlâng chawi,
Tahpuan khawnna dawh lung leh tianhrâng thlân,
A sûlhnu dâwnin thinlai a tizing riai e.
A sûlhnu dâwnin thinlai a ti zîng riai e.