Soz : Zainab Ne Kaha Baap Ke Qadmo Se Lipat Kar
Noha khwan : Nawab Akhtar Rizvi
Kalaam : Late Shahid Naqvi (Shahid Lucknowi)
Lyrics
#IzzatLucknowi
=======================================
Woh Karbala, woh sham-e-ghariban, who tiragi
Who Zainab-E-Aseer, Who Hifazat Khaym Ki
Aaya Woh Ek Sawaar Qareeb-E-Khayam-E-Shah
Beti Ali Ki Ghaiz Men Thee Uss Taraf Badhi
Ulti Naqab Chhere Se Apne Sawaar Ne
Pesh-E-Nigah E Zainab-E-Mazloom They Ali
Har Chand Sabira Thee Bohat Bint-E-Fatima
Be-Saakhta Zaban Pa yeh Faryaad Aa Gayi
Zainab Ne Kaha Baap Ke Qadmon Say Lipat Kar
Ab Aaye Ho Baba..
1
Jab Lut Gaya Pardes May Amma Ka Bhara Ghar
Ab Aaye Ho Baba..
Baba Gar Aana Hi Tha Khaaliq Ki Riza Se
Us Waqt Na Aaye
Jab Khaak Pa Dam Tod Raha Tha Mera Akbar
Ab Aaye Ho Baba..
2
Kat Kat Ke Giray Naher Pa Jab Baazu-E-Abbas
Aur Koi Na Tha Paas
Us Waqt Sadaa Aap Ko Deta Tha Dilaawar
Ab Aaye Ho Baba..
3
Jab Farsh E Zameen Beem-o-Falak Larza Fishaan Thay
Us Waqt Kahan Thay
Jab Baap Ke Chullu May Tha Khoon-A-Ali Asghar
Ab Aaye Ho Baba..
4
Jab Bhai Ka Sar Kat’ta Tha Mai Dekh Rahi Thi
Hazrat Ko Sada Di
Sar Khole Hue Rooti Thi Mai Khaime Ke Dar Par
Ab Aaye Ho Baba..
5
Jab Log Bacha Legaye Laashay Shohda Ke
Haq Apna Jata Ke
Bas Ek Tan-E-Shabbir Tha Pamaali Ki Zad Par
Ab Aaye Ho Baba..
6
Jab Shaam Ke Qazzaaq Hamen Loot Rahe Thay
Khaimon Ko jala Ke
Aap Aa Gaye Hote To Chinti Na Meri Chadar
Ab Aaye Ho Baba..
7
Jab Baali Sakina Ke Gohar Cheene Gaye Thay
Lagte Thay Tamachay
Hasrat Se Mujhe Dekhti Thi Banu-E-Muztar
Ab Aaye Ho Baba..
8
Ek Raat Ke Mehmaan Hai Phir Qaid e Salaasil
Ab Aane Se Haasil
Baazaar May Hum Subha Ko Jaayenge Khule Sar
Ab Aaye Ho Baba..
9
Kya Aapne Firdaus Se Ye Dekha Na Hoga
Ek Hashr Bapa Tha
Jab Pusht Se Beemaar Ke Khayncha Gaya Bistar
Ab Aaye Ho Baba..
10
“Shahid” Rukhe Haider Pa Bikhar Jaate Thay Aansu
Jab Kholke Gaysoo
Chillati Thee Zainab Mere Baba Meri Chadar
Ab Aaye Ho Baba..
Recite A Surah Fateha To All Momin Wa Mominaat