‪@boxchannel7957‬ 最新一集《開訪》嘉賓陳柏宇，去年開完人人讃好嘅演唱會，歌迷唔夠喉要part 2，陳柏宇話：「可以㗎！都係計劃中啦，依家太早去決定所有嘢囉！相對都會變咗有壓力，究竟你part 2可以講啲乜嘢嘢呢？永遠都會有呢一啲壓力存在！」

延續fight for精神，陳伯回想演唱會時唱《逸後》爆喊情景，「因為嗰一刻係講緊離別，第二場先發生呢件事，因為第一場好緊張，少啲機會好墮入到個故事，第二日因為輕鬆好多，而啲dancer又好好交好多戲！」

《逸後》講離別，陳柏宇有冇諗過走？「我又唔算移民啦，我係回流？係喇，對我嚟講，我個decision making，唔係base on我做唔做得，而係我做唔做！之前個諗法回流返去加拿大，因為for囡囡學業，但係依家就冇咗呢個念頭！諗好似容易，要做嘅時候又好似要掉低好多嘢喺香港，現實就要平衡，依家咪嘗試為囡囡去報讀國際學校囉！」

「在這壞透的時代 死去活來 也給你維護 天也拆不開」《有我》最感動陳柏宇嘅歌詞。陳伯話：「直接表達就係我陪你一齊去經歷呢一件事，你唔需要孤單一個人去行呢一條路、去感受呢一啲痛楚……有我去陪伴係一件事，我想做嗰樣嘢就係直情過戶呀，將嗰個感覺過戶落去我身上呀！」

同行壞透的時代，要與負能量共存？「唔係話要同一啲negative情緒共存，而係明白佢必定會存在！我唔認為fight for係一個無窮無盡嘅精神，好容易會濫用咗呢個字，即係啲正能量正能量正能量，人唔可以幾時都有正能量㗎嘛！當你遇到一啲好大嘅困難，你會有negativity亦都唔使自責、唔使自卑呀，唔使覺得有愧於positive thinking！」

原來陳伯喺疫情初期亦面對人生最大困難，最終點樣克服跨過去？睇片聽陳伯講啦！

訂閱盒子YT頻道同步睇片：https://bit.ly/3vqZ12r

#盒子 #boxchannel #開訪 #陳柏宇 #FightFor #演唱會 #爆喊 #廣東歌 #香港人 #同行 #有我

-----------------------
記得follow晒呀
FB：https://bit.ly/2WlzyYF
YT：https://bit.ly/3guXGz0
IG：https://bit.ly/3n0YIHg