من هواني هويته ومن نساني نسيت
الجفا بالتجافي والوصل بالوصال

ومن رخصني رخصته ومن فداني فديت
بس محال إني ألقى مثل حبك محال
 
وحدك بسوق قلبي فيه بعت وشريت
ماحدٍ زاد عنك في البهاء والدلال

كل شيء رضيته منك والله رضيت
وذقت أنا المر منك يا حبيبي زلال
 
صعبة تلقى بدالي عني لو رحت وجيت
البدر ما يبدل طلته بالهلال

ما يفيد الأماني دوم كلمة يا ليـــــــت
مثل من كان يبني غايته في الرمال

 
كاس حبك شربته ولا منه أرتويت
كل ما غبت عني قال حبك تعال

عزة النفس دايم غايتي من حييت
عمري ما أرخصت قلبي مهما في الحب مال
 

 كلمات: بدر المليحي
 ألحان: رابح صقر