Published On Nov 27, 2023
كبة مقليه مقرمشه بعجينة رائعه
، بدون هبره وبدون ماكينه وبحشوتين ولا أطيب
هي العجينه ممكن نستخدمها لصواني الكبة بالفرن كمان🌺
فولو اذا اول مره بتشوفوا حسابي
اول خطوه بحضر الحشوات
حشوة اللحمه المفرومه:
بحمص بصل مقطع ناعم بالزيت، وبس ياخد لون ذهبي، بضيف اللحمه المفرومه مع البهارات ( فلفل اسود، بابريكا، رشه صغيره من السبع بهارات، وملح) بنطر حتى تستوي اللحمه، وبشيلها عن الغاز وبتركها تبرد قبل ما إحشي فيها
حشوة صدر الدجاج ( الشيش) :
بفرم صدر الدجاج مجرمش ( لا ناعم كتير ولا خشن)
بحمص بصله مفرومه ناعم مع زيت وزبده
بضيف قطع الدجاج وبحمصهم مع البهارات ( كركم، بابريكا، فلفل اسود، رشة سبع بهارات، وملح)
بنطر حتى يستوي الشيش وبشيل الحشوه عن الغاز وبنطرها حتى تبرد قبل ما استخدمها
المقادير للعحينه:
3 كوب برغل ناعم
3 ونصف كوب ماء ساخن
حبتين بطاطا مسلوقه حجم وسط
حبة بصل حجم كبير مبروشه
ملعقتين طعام نشا
البهارات ( بابريكا، فلفل، كمون، ملح)
طريقة تحضير العجينه:
بنقع البرغل بالماء الساخن مدة نصف ساعه تقريباً
بسلق البطاطا وبهرسها وبضيفها للبرغل بعد ما تفتح حبة البرغل وتصير طريه
بضيف البصل المبروش
بضيف البهارات
بفرك المكونات مع بعضها كتير منيح، حتى احصل على عجينة متماسكه ودبقه
ملاحظه: اذا حسيت العجينه ناشفه ممكن ضيف بخات ماء ساخن واعجن، و مابصير نكتر ماء لان رح تخرب العجينه
بعد ما تصير العجينه، جاهزه، والحشوات جاهزه، ببدأ بحشي الكبة متل مو واضح بالفيديو
و بحط على ايدي شوية زيت وقت تشكيل القطع
وقت حشي الكبه وتسكيرها لازم نضغط عليها ونطلع كل الهوا اللي فيها، مشان ماتفرط معنا وقت القلي
بعد الانتهاء من تشكيل القطع، بقلي الكبة بزيت غزير وحامي، كتير
ممكن نقلي قطع من العجينه ساده بدون حشي وكتييير طيبين بيطلعوا
بس هيك، انشالله تحربوها وتعجبكم، والف صحه وهنا على قلبكم اذا حربتوها #اكسبلور_فولو #طبخات #كبب #كبة #كبة_برغل #كبة_مقلية #اكسبلور_فولو
