Published On May 7, 2021
عابره 42
ﻳﺎ ﻟﻴﺎﻟﻲ ..
ﻭﻳﻨﺎ ﺃﻳﺎﻣﻲ ﺍﻟﺨَﻮَﺍﻟﻲ ؟
ﺑِﺜﻲ ﻟﻲ ﺻﻮﺕ ﻋﺎﺑﺮﺓ ﻣَﺮﻩ ..
ﺣﺘﻲ ﻟﻮ ﻛﺎﻥ ﻣﻦ ﺧِﻼﻟﻲ
****
ﺍﻟﻨﺠﻮﻡ ﺍﻟﻔﻲ ﺳﻜﻮﻧﻚ
ﻛﻠﻬﻦ ﻭﺍﻗﻔﺎﺕ ﻗُﺒﺎﻟﻲ
ﻭﻓﻲ ﺍﻟﻈﻼﻡ ﻳﺎﻫﻦ ﻋﻴﻮﻧﻚ
ﻭﺣﺪﻫﻦ ﺩﺍﺭﺍﺕ ﺑﺤﺎﻟﻲ
****
ﺃﺳﺄﻝ ﺃﻭﺗﺎﺭ ﺍﻟﺮﺑﺎﺑﺔ ..
ﺭﺩﻫﻦ ﺗﺮﺩﻳﺪ ﺳﺆﺍﻟﻲ
ﻭﻣﺎﻧﻲ ﻋﺸﻤﺎﻥ ﻓﻲ ﺇﺟﺎﺑﺔ
ﺇﻻ ﻣﻨﻚ ﻳﺎ ﻟﻴﺎﻟﻲ
****
ﺷﻮﻗﻲ ﺯﻱ ﺍﻟﻮﺍﻃﻲ ﺟﻤﺮﺓ
ﻟﻲ ﻋﻴﻮﻥ ﺗﻤﻄﺮ ﻵﻟﺊ
ﻟﻲ ﺻﻔﺎﺭ ﻛﺎﺳﺎﻫﻮ ﺣﻤﺮﺓ
ﻟﻮﻥ ﺧﺪﻭﺩﺍ ﺍﻟﺒﺮﺗﻘﺎﻟﻲ
****
ﻛﻞ ﻣﺎﻫﺪﻟﺖ ﺣﻤﺎﻣﺔ
ﻟﻠﻘﺪﻳﻢ ﺗﻨﺸﺪ ﺭﺣﺎﻟﻲ
ﻃﺎﻝ ﺭﺣﻴﻠﻚ ﻳﺎ ﺳﻼﻣﺔ
ﻗﺼﺪﻱ .. ﻳﺎ ﺍﺑﺰﻳﺪ ﺍﻟﻬﻼﻟﻲ
****
ﻋﺎﺑﺮﺓ ﺟﺮﺛﻮﻡ ﺍﻟﺼﺒﺎﺑﺔ
ﻓﻲ ﻏﻴﺎﺑﻚ ﻣﺎ ﺑﻴﺒﺎﻟﻲ
ﻛﻠﻬﺎ ﺍﻵﻣﺎﻝ ﻣﺼﺎﺑﺔ
ﺍﻟﺘﻘﻮﻝ ﺟﻮﻓﻲ ﺇﺳﺒﺘﺎﻟﻲ
****
ﻓﻲ ﻃﺮﻳﻖ ﻛﻞ ﺇﺑﺘﺴﺎﻣﺔ
ﺃﺑﺬﻝ ﺍﻟﻤﻌﺪﻭﻡ ﻭﻏﺎﻟﻲ
ﺃﺳﺎﻝ ﺍﻟﻠﻪ .. ﺍﻟﺴﻼﻣﺔ
ﺍﻟﺤﺰﻥ ﺩﺍﻳﻤﺎ ﻓﻲ ﺑﺎﻟﻲ
****
ﺍﻟﺨﺮﻳﻒ ﺍﻟﻜﻨﺎ ﻓﻴﻬﻮ
ﻭﺑﻴﻬﻮ ﺇﺧﻀﺮﺕ ﺭﻣﺎﻟﻲ
ﻣﺎﻟﻮ ﺭﻭَّﻭﺡ ﺑﻲ ﻭﺷﻴﻬﻮ ؟
ﺣﺎﻭﻟﻲ ﺷﺎﻥ ﻳﺮﺟﻊ ﺗﻌﺎﻟﻲ
****
ﻳﻮﻡ ﺭﺟﻮﻋﻚ ﻳﺎﻫﻮ ﻋﻴﺪﻱ
ﻭﺃﻧﺴﻲ ﻫﻤﻲ ﻭﺇﻧﺸﻐﺎﻟﻲ
ﻛﻞ ﻣﻨﺎﻱ ﻳﺘﺤﻞ ﻗﻴﺪﻱ
ﻧﻔﺴﻲ ﺃﻓﻌﻞ ﻣﺎ ﺑﺪﺍﻟﻲ
****
ﻳﺎ ﻭﻃﻦ ﻣﻦ ﻗﻤﺖ ﺗﺠﺘﺮ
ﻣﺮ ﺛﻼﺛﺔ ﻋﻠﻲ ﺍﻟﺘﻮﺍﻟﻲ
ﻣﺮﺓ ﺃﺣﺰﺍﺏ ﻭﻣﺮﻩ ﻋﺴﻜﺮ
ﻭﻳﻔﺼﻠﻦ ﺣﻜﻢ ﺇﻧﺘﻘﺎﻟﻲ
****
ﺍﻟﻮﻃﻦ ﻳﺎﻋﺎﺑﺮﺓ ﺃﻏﻠﻲ
ﻣﻬﻤﺎ ﺗﺒﻘﻲ ﺍﻟﻌﻴﺸﻲ ﻏﺎﻟﻲ
ﻭﻣﺎﻧﻲ ﺩﺍﻳﺮﻙ ﺗﺒﻘﻲ ﺫﻛﺮﻱ
ﺣﺎﻭﻟﻲ ﻣﻦ ﻓﻀﻠﻚ ﺗﻌﺎﻟﻲ
