Ramón Tojo Lens iniciou este 17 de xuño o seu quinto mandato consecutivo como alcalde de Rois polo Partido Popular, que nas últimas eleccións municipais incrementou a súa maioría absoluta ata os 8 representantes, por 2 do PSdeG e 1 do BNG.

No seu discurso de investidura, Tojo Lens comprometeuse a seguir “traballando por todos os veciños e veciñas, con humildade e seriedade”.

O alcalde tivo palabras de agradecemento para os edís que non repiten nesta lexislatura e animou a todos os integrantes da Corporación, de xeito especial aos catro novos concelleiros do PP, a antepoñer os intereses da veciñanza sobre os partidistas, “para que Rois siga progresando”.