إشترك في قناة الساطي الرسمية
للحصول على أحدث إصداراته الفنية


‪@Sl.020‬

لـ التصميم رابط الواتس مباشر ⤵️

‏https://api.whatsapp.com/send?phone=9...

تصميم
الساطي - القناة الرسميه

لمتابعة الساطي عبر سناب شات
‏  / 9vnvuhou  

#الساطي

شيلة سمو
كلمات سليمان بن ساقه
أداء : جفران بن هضبان
تصميم ‪@Sl.020‬



موال
يا اهل الشعل كل على شداد الكرامه يستريح
النو يردم والغيوم امن الضحى متراكمه
.
حنا على وضح النقا ولا نقول الا الصحيح
( والله ماجبنا سمو الا عشان الحاكمه )

.
.
سرا ليلي على راس الطويل النايف المزموم
رفيع يمتحق ليل الشواوي لا عوا ذيبه
.
مقر الشاعر اللي في قفص صدره حكي وعلوم
ومرب النادر اللي فالصفا يبرد مخاليبه
.
اسوق الفكره اللي غير وسمي ماعليها وسوم
وادرج كل بيتٍ مختلف حبكه وتركيبه

تركت النوم للي للاحتما الماقف يجيه النوم
ضعيف مايفكر غير فى بطنه وفى جيبه
——-
ثلاث ارباع شعار الحداثه ماعليهم لوم
مشاعرهم رقيقه والحبيب مطول الغيبه
.
وانا عيني على اهل الشعل واهل ماهم قوم
رياجيلٍ كبار ومابهم شكه ولا ريبه
.
بعد ماحددوا وقت المزاين واللقا محتوم
ذكرت النادر اللي خابرن خصمه مضاريبه
.
تقدم يالمعيضي ماندور يوم غير اليوم
وبهر دلتك من زعفران الهند ابو شيبه
———
عوايدك الحضور اللي من أسبابه تطيح نجوم
وخصمك لادحمته يتخلف رقمه وترتيبه
.
بضلعٍ فيه خلق الله ليا طاحت معاد تقوم
مطيح اللي عليه الوقت دايرتن دواليبه
.
سمو بكوم وبكار المزاين والحلال بكوم
تواجدها يخلى راعي الهيبه بلا هيبه
.
عليها مانعد السوم ياللي تدبلون السوم
ذخرناها ليومٍ تسفر الضلما مشاهيبه
——-
نبيها تسهج اللي مايشوف ان الخصوم خصوم
خصيمه لا بغيت الصدق مابين عذاريبه
.
ختمنا الدق عاما وانتقالك بقو عزوم
نبي شوطٍ جميع الناس من مبطي تهذريبه
.
وجينا ياهل الجل الكوارث جيت الجاثوم
وجبنا اللي ليا من حولت للشوط تقفيبه
.
هل الجل تداحم بالحلال وتاخذ المقسوم
ولكنك دحمت الشوط ياعلوش بمصيبه
—-
شناحٍ راسها الادلخ عليه مهلل ودرثوم
وزينً طاغين فى صيهد الغلبا نماريبه
.
تهزع بنت موقف لا طغت بالصيهد المزحوم
خذت منه الطفاح وزين ممشاه وعراقيبه
.
يباريها من العجمان كل معنزن شغموم
عسى اللي مايحب اهل القنازع ينقطع صيبه
.
نماري وانتحدا وانتجاوز وانعفا ونشوم
لنا مجد رواة المجد تصبح به وتمسيبه
——
وعلى الميعاد قدمنا زعول نيها مردوم
عليها مشربٍ فوق الحلال الزين توميبه
.
لك الله ماشريناها ولا جتنا بحب خشوم
نماري فى بنات بعيرنا اللي سمح الشيبه
.
ترانا ماحضرنا فى حفولٍ راسها ملغوم
ولا جينا بشدقن متعب العباث تسحيبه
.
( تحزمنا وقدمنا سمو وقدموا حكوم
نبي جو التنافس يجمع العجمان وعتيبه ) فلاش
——-
عوايدكم لا جيتوا فالصياهد شوطكم محسوم
لو ان الشوط خلق الله تجنب من معازيبه
.
ولكنا لا جينا تقرب العبره من البلعوم
لو ان الخصم فالميدان يفتل روس اشنانبيه
.
لا حولنا عليه بطافحا كنها تخيل الحوم
ترانا مانلومه لو يقول الشوط مالبيه
.
وترا حنا مقر الشعل ياهل المنصب المزعوم
كلام ماعليه غبار واهل الشعل تدريبه