ปรัชญาร่วมสมัย ep.3
มื้อนี้นำเรื่อง "อยากให้คนมาแหว่ให้ฆ่าหมู่เดียวกัน" เป็นผญาปริศนาธรรม นำมาไขมาแปลมาเว้าให้ฟังม่วนๆ ครับ
👉 ข๋อที่ว่า คำว่า อยากให้คนมาแหว่ให้ฆ่าหมู่เดียวกัน ฆ่าข้อนี้หมายความว่า
สิ่งสำคัญของคนคือมิตร พอได้เป็นคู่คิดตุ้มห่มกลมเกลียว
คันตระหนี่ถี่เหนียวเสี่ยวหนีออดหลอด ฮอดบ่มีไผซอดมาหล่ำมาแยง
มีของราคาแพงล้านแสนแหวนเพชร บุญกุศลบ่เคยเฮ็ดบ่เผื่อเจื่อจาน
ตั้งแต่ลูกแต่หลายกะบ่หอมบ่หุ๋ม ย้านเจ้าได้นั่งงุ้มง่อนต่อเต็มที
ให้เจ้าฆ่าเจ้าตีความตระหนี่แน่ นี่ละอยากให้คนมาแหว่ให้ฆ่าหมู่เดียวกัน
#เปิดการมองเห็นของAI #คลิปล้านวิว #แฮชแท็กยอดนิยม #creatorDigita
lสืบสานตำนาน ผญา ฮีตสิบสอง ครองสิบสี่
ละมูนมังเดิมฮีตกกอีสานเค้า
ซ่อยรักษาพากันเว้ามูนมังเฮาสิล้ำค่า
นี่ละคือ ความผญา เศษหนึ่งเดียวเสี้ยวแห่งห้วงยังมีกว้างหมื่นกือ
ขั๋นบ่มีไผเบิ่ง ความผญา นับมื้อกิ้นสูนสิ้นเสื่อมสลาย
จารย์ครูพงษ์กะจั๋งได๋ความสรุปเป็นหนังสือ
ส่งเถิงมือคนอีสานลูกหลานสมัยนี้
คันว่าดีจำไปใซ้สั่งสอนไผกะตามอย่า
จารย์ครูพงษ์บ่ได้ว่า เป็นประโยชน์โพดแต่พร้อม สิยอน้อมใส่หัว (พุ่นแหล่ว)
พี่น้องเอย.