Published On Jan 12, 2009
Beste: Mehmet Emin Ay
Söz: Osman Hulusi Efendi
Okuyan: Mustafa Demirci
Cûşa gelir dağ ile taş feryâd eder vakt-i seher
Her nesneyi kaplar telâş feryâd eder vakt-i seher
Ol demde gül handân olur bülbül görüp nâlân olur
Her ehl-i dil şâdân olur feryâd eder vakt-i seher
Ol demde ziller zâr eder dilber arz-ı dîdâr eder
Her cân özün izhâr eder feryâd eder vakt-i seher
Ol demde eşcâr u nebât tâze bulurlar hep hayat
Ol demde cümle mümkinât feryâd eder vakt-i seher
Çağlar akar âb-ı revân yüz yere kor eyler figân
Ol demde zerrât-ı cihan feryâd eder vakt-i seher
Ol demde ins ile melek raksa gelir çarh-ı felek
Hû hû deyû suda semek feryâd eder vakt-i seher
Ol demde zât-ı kibriyâ âşıklara eyler salâ
Olan bu sırra âşina feryâd eder vakt-i seher
Hulûsi âşıksan eğer dur yatma gel vakt-i seher
Bak gör ki âlem serteser feryâd eder vakt-i seher
Kanalımıza Abone Olmayı Unutmayın...
Kanalımıza Abone Olmak İçin: / beyzamuz. .
►Twitter : / demircimustafa
►Instagram : / mustafademircisg
#Tasavvuf #Engüzelİlahiler #VaktiSeher