Kithon Mor Liyaweay Poet Baba Sahota Voice Saeed Aslam Latest Punjabi Poetry 2022 New Most Super Hit Punjabi Poetry WhatsApp Status 2022
Poet Baba Sahota
voice saeed aslam
video editor umar rasheed

کتھوں موڑ لیہاوئیےنئی مشہور سپر ہٹ پنجابی شاعری
شاعر بابا سہوتہ
آواز سعیداسلم
ویڈیو ایڈیٹر عمررشید

#PunjabiShayari #babasahota #saeedaslmpoetry

بند نمر 1

کتھوں موڑ لیہاوئیے

شیشے ورگے صاف او لوکی
پھلاں ورگی رہتل

ڈلھ ڈلھ پیندے چاء

کڑیاں کھوہ دے چار چفیرے
من دوالے پا کے گھیرے

بھر بھر پانی ڈارو ڈار
ٹر جاناں فے اپنے گھار

بوڑھاں ہیٹھ وڈ وڈیرے
متاں دیون ڈیرے ڈیرے

تے پونے رنگے گنے
اپنے ہتھیں بھنے

چوپن دا سواد ہووے
ویہڑا فیر آباد ہووے

تے میہنہ دے دھوتے رکھ
نیلا آسمان

نکھرے نکھرے تارے
ٹبر کٹھے سارے

کتھوں موڑ لیہاوئیے

بند نمر 2

کتھوں موڑ لیہاوئیے
او قدراں دے رکھوالے

سچے رسم رواج
دیداں تے لہاج

گئیاں گلاں باتاں نوں
اوہ عیداں تے شبراتاں نوں

اکو چلہے پکدی ہونی
دادی اماں تکدی ہونی

پیڑیہو پیڑی سارے جی
ودھو ودھ پیارے جی

تے چڑھ بنیرے کاں
برکی ول دھیاں

چاٹی والی کنگ تے مکھن
ماواں دے اوہ رنگ تے مکھن

تے بیریاں بیرو بیر
او پھلاں بھری چنگیر

تے جنت جئے نظارے
نکھرے نکھرے تارے

کتھوں موڑ لیہاوئیے

بند نمر 3

کتھوں موڑ لیہاوئیے
بچے اوہ معصومڑے

نکی نکی گل تے خوش
بالاں رلے رل تے خوش

کھڑ کھڑ ہسدے ہاسے
اوہ گھر وسدے ہاسے

بھاویں راتیں لو نہ ہونی
کوئ شئے نمبر دو نہ ہونی

تھانے ہالے ہٹیاں نئیں سن
جج وی کھاندے چٹیاں نئیں سن

ٹینشن ہالے جمی نئیں سی
اماں سی آ ، امی نئیں سی

سائنس دی ہالے بونی سی
خلقت دلدی سوہنی سی

تے سوہنے سن گذارے
نکھرے نکھرے تارے

کتھوں موڑ لیہاوئیے

بند نمر 4

کتھوں موڑ لیہاوئیے
او ساد مرادی دنیا

بھولے بھالے لوک
او کرماں والے لوک

جد کدے پروہنے جاناں
چٹا تمبا کڑتا پاناں

جنہوں ملنا ہس کے ملناں
رسیاں نوں وی رس کے ملناں

رولے سن نہ پھڈے سن
وڈے سچیں وڈے سن

بوہتاں واہی باڑی کرنی
ہر سونی ہر ہاڑی کرنی

چری گوارے باجرے
اوہ مونہہ سروں دے سونا سونا

گندلاں لک ہلاے
نکھرے نکھرے تارے

کتھوں موڑ لیہاوئیے

بند نمبر 5

کتھوں موڑ لیہاوئیے

اوہ گل دے پکے لوک
سبھ دے سکے لوک

تے کھدر دیاں پوشاکاں
خالص او خوراکاں

منرل ورگا کھال دا پانی
بھر بھر بکاں پیون ہانی

گڑ وچ گھیو بدام پوانیں
نال بیلیاں ونڈ تے کھانیں


تے کاڑھنی دے کاڑھے دودھ
ان تولے بن ہاڑے دودھ

اوہ رتیاں کالیاں گاجراں
کھکڑی تے ہدوانیں

رج رج کھانیں
خشیاں بھنگڑے پاؤنیاں

پار تے الارے
نکھرے نکھرے تارے

کتھوں موڑ لیہاوئیے

بند نمبر 6

کتھوں موڑ لیہاوئیے
او جٹ دی وکھری دنیا

بنے بنے رونقاں
گوہلاں وی تے پیلکاں

ہل پنجالی گڈ سہاگے
گنے چنبھا لاگے لاگے

کڑ گلاتر اوگ سی آ
ون سونی جوگ سی آ

ٹند نثاراں کھاڈے کھوپے
توڑی پلے کپاں ٹوپے

چھپڑ ڈیکاں بیلے کھوئے
ندیاں دریا نہر دسوئے


تے چڑیاں سن سرخاباں جئیاں
دکھاں لال گلاباں جئیاں

پدی لاہلی ڈاہلی سی آ
بوڑھ بروبر ٹاہلی سی آ

تے بوہے بوہے بوریاں

ویلے کنج وساے
نکھرے نکھرے تارے

کتھوں موڑ لیہاوئیے

بند نمبر 7

کتھوں موڑ لیہاوئیے
روئیاں دے اوہ رنگ

سئیڑ نیلے بارہ سنگے
سپ نیولے ڈنگے دنگے

گیدڑ لومڑ سہہ کنڈیالے
اک دجے ناں ویراں والے

نیلے تے کشمیرے ہونیں
پنچھی موتی ہیرے ہونیں


پیلاں پاندے مور سی آ
کونجاں گھگھ تلور سی آ

چوہلاں کردے بک انکھرے
چنگیاں بھردے تک انکھرے

اوہ کدے کدے بدلاں
آن کے جو گجناں

بیلیاں نوں سدناں
کوڈی شوڈی کھیڈنی

مینہ کولوں ڈردی
ہرنی سی بھجدی

ڈاہڈی سوہنی لگدی

نونہواں دھیاں چرخے اٹیاں
ہاسے آساں دیوے وٹیاں

ٹوہبے ڈاچیاں گاواں سن
لاگے لاگے ڈھارے

نکھرے نکھرے تارے
کتھوں موڑ لیہاوئیے

بند نمبر 8

نہ کوئی موٹر بائیک سی آ
نہ کوئی ٹرا ٹریکٹر

نہ سڑکاں سی پکیاں
فیر وی بابا سہوتہ اودوں

کناں سکھ سکون سی آ
رتا ہالے خون سی آ

اج چھتریں دال ونڈیوندی
تے ڈانگ و ڈانگ بھرا

اج کنکیں باتھو پسدے
تے دالاں اندر روڑ

اج نہراں وچ کثافتاں
تے واواں وچ سموگ

اج بوہے بوہے اژدھے
تے ڈھڈاں اندر چور

اج سچ نے موہرا کھا لیا
تے ٹچراں کرے سراب

اج پیار نے اکھاں میٹیاں
تے ہاسیاں وچ کرودھ

اج نظراں وچ تیزاب اے
تے بلیہاں وچ دنالیاں

بندنمبر 9

اج یاد ستاوے کل دی
تے گل نہ رہی گل دی

اج کل نوں ہاکاں ماردا
کوئی حال نہ رئیا گھار دا

کتھوں موڑ لیہاوئیے
اوہ سوڈے مٹھے کھارے

نکھرے نکھرے تارے
ٹبر کٹھے سارے

کتھوں موڑ لیہاوئیے
Kithon Mor Liyaweay

Recommended videos

Kida Sohna Daur C
   • Poetry Kida Sohna Daur c by Saeed Asl...  
   • Poetry Kida Sohna Daur c Part 2 by Sa...