SIGOKH LEKUK PITU

*Tabikpuun Tuha khaja
Jama nekham sunyin ni
Maju kukhuk kelasa
Jejama niyong kon ni

**
Mawat kusangka
Bela gekhing mu Kundang
Sukhah semaya kita
Angkah helau di kumbang

Ajo bukti na
Sukhat ukhawan khatong
Ya ngebatok bekhita
Ki kahud mu mak dondong

Ya ngebatok bekhita
Ki kahud mu mak dondong

***
Waya ni ukhawan
Di kelasa maju
Menok Kuti bu ikhing
Nyani sasakh hati ku

Ni bulup lamunan
Mejong nyak di tuku
Menok niku busanding
Busigokh lekuk pitu

**
Du'a ku sayang
Pagun tunyin mid niku
Kuti bulamban manjang
Sappai unyin citta mu

Duli ku sandang
Belajakh di tenekhu
Ngebatok kahud mulang
Kisikh jak hejongan mu

Ngebatok kahud mulang
Kisikh jak hejongan mu


* Mak dondong: Mak sepikha (tidak seberapa)
** Tenekhu (Belajakh di tenekhu):
bejakh anjak kebiasaan / Jak pengalaman.



Tabikpuun...

Bekasi, 10 Oktober 2021
Hendri Semaka