Rameshwar mandir ||🌷चौल रामेश्वर मंदिर🌷त्रिपुरारी पौर्णिमा दीपोत्सव सोहळा🎆
#Tripurari #Rameshwar #alibag #chaul #रामेश्वरमंदिर
नारळ सुपारीच्या बागांनी नटलेल्या आणि ऐतिहासिक वारसा लाभलेल्या निसर्गरम्य चौल गावात आपणा सर्वांचे मनःपूर्वक स्वागत आहे.
अलिबागपासून 12 किमी. अंतरावर असलेले चौल गावातील रामेश्वर मंदिराला सुमारे 400 वर्षाची जुनी परंपरा आहे. इथं महाशिवरात्रीला पालखी निघते व त्रिपुरारी पौर्णिमेला 'दीपोत्सव' साजरा करण्याचा प्रघात आहे. त्यावेळी शंकराच्या पिंडीला चांदीचा मुखवटा चढवला जातो. संपूर्ण मंदिरात व परिसरात तेलाचे दिवे लावले जातात. सर्वप्रथम मानाच्या दिव्यांची पूजा करून एक दिवा रामेश्वरापाशी व दुसरा पोखरण मधील खांबावर लावला जातो. दिवा पाण्यातून नेण्यासाठी खास इवलीशी होडी आहे. पूर्वापार प्रथेनुसार, मंदिर परिसरातील 3 दिपमाळांवर काही कुटुंबातील पिढ्याकडून तेलाचे दिवे लावण्यात येतात. तसेच संपूर्ण पोखरणीला देखील पणत्यांची सजावट असते. काही वर्षापासून तेलाच्या दिव्यांसोबत विद्युत रोषणाई देखील केली जाते. साथीला सनईचे सूर मंत्रमुग्ध करतात. रामेश्वरचे विश्वस्थ मंडळ संपूर्ण कार्यक्रमाची जबाबदारी नेटाने पार पाडत आले आहेत. हा दीपोत्सव खरोखरच डोळ्यांचे पारणं फेडतो. अशा ह्या नेत्रदीपक दीपोत्सव सोहळ्याला पुढल्या वर्षी सर्वांनी जरूर भेट द्या. धन्यवाद🙏🏻