Una simpatica interpretazione del gruppo Bardanas di oliena sempre in occasione delle Cortes Apertas 2024 in : Brulla Durgalesa ,una poesia M. Nikodimovich ...
Dae sas capras recuit Bovore pustis de tres meses solu in su cuile ,imbolat tasca, cappotto e fusile e annicrat che ainu in calore ...
Tando si trincat mesu litru e' inu chi l'aggiunghet in corpus sos poppores : si li pintat sa cara de rujores e li zoccat su coro a tamburinu .
Tando che fora'e sè intrat derettu a dom'e carma , pagu illuminada , inue una femmina rizza b'hada affainada faghende su lettu .
Cun sas bottas in pes e unu gambale e cun su pantalone mes'aladu cun fagher ruzzu, che indiauladu l'imbolat in su lettu che rivale .
E la 'asat, l'ispozzat e la linghet .
E cun su fogu in sa carena inchesu boltulende commente unu toro li narat : " Nannedda mea de su coro cant'est bellu ! Cant' est bellu , Zesu "
Ma issa li rispondet : "Oijoi, e Nanneddattu tue chi non sesse e beneitta ti siet sa presse ma non bides chi deo so Pittoi ... "
" Essu it'happo fattu Socra mia !... " Iscramat issu cunfusu e cuntrittu e diventende d'improvvisu frittu e avvilidu pro sa balentia ...
Ma cando faghet pro si che pesare li narat issa : " Ebbè, e itt'as fattu ? Sighi ca mancu ruttu est su palattu e lassachela ' ene irvenenare ... "
Oliena 8 de Frearju 1988