للقراءة :

اليوم يا عيني علامك ترفين
وانتي ضراواتك بهل الدموعي

أما يبي ياتيك شي ماهو زين
وإلا إني أذكر ما غدى من اربوعي

يا كثر ما نذكر من الناس غالين
حدر الثرى ما عاد فيهم رجوعي

راحوا مراح منه ما هم بملفين
وصارت منازلهم عذاب للشوعي

الله على حين مضى قبل هالحين
أعسر علي اليوم من حب كوعي

إليا ذكرته والمخاليق غافين
جريت ما يفتح مفالج ضلوعي

يوم إن وقتي مقبل يا أدعج العين
عروس عشق ومعجبتها الدفوعي

واليوم وقتي صار بين اليهاهين
لا طاب لي يوم خبث لي اسبوعي

دنيا نبي منها .. عدال الموازين
تميل لو اني من خطاها جزوعي

خابت لمن يمدح لدنياه بالدين
وطابت لدقمان الرجال الزلوعي

وصارت بها سود المقانع شياهين
وحرارها صارت تبوع التبوعي

أحد لهم تضحك وفيها مريحين
وأحد تجيهم بالكدر والفجوعي


للشاعر/ صقر النصافي رحمه الله