Vawiin Dt 15, February 2024 hian Dilzawl khua,Mamit District, kum1960 vela lo ding ve tan tawh leh Motor la luh miah lohna khua ah hian JCB a rawn thleng ta rup mai. He khua hi Dapchhuah atanga Tut lui mawng lam zawh zelin km 12 vel laia hla a awm a ni. Motor eng chi mah a la lut thleng lova, Tunah hian a vawi khatna a tan motor 407 chin lut thei turin Teak la turte zar zovin kawng hi laih thlen a ni ta a , a bik takin he JCB leh operator chungah hian kan lawm takzet a ni. Hetianga motor luh theihna khua kan lo nih ve tak avang hian Khaw mipuite kan lawm em em a, post hi kan lo siam ve lo thei lo a ni e. A duh apiangte lo zin ve turin kan sawm nghal a che u.

JCB hi MZ 01 Q 1338 a ni a,Operator hi Rosangliana Tuikual a ni e.
(Video tawi te thlir duh tan kan dah tel nghal e)