ಭಜನೆ, ದಾಸರ ಹಾಡುಗಳು, ದಾಸರ ಪದಗಳು, ದಾಸ ಸಾಹಿತ್ಯ
Bhajane, Dasara Hadugalu, Padagalu, Dasa Sahitya

Singer: Gayathri Sudarshan
ಗಾಯಕರು: ಗಾಯತ್ರೀ ಸುದರ್ಷನ್

ಬಾರೆ ಗೋಪ್ಯಮ್ಮ ನಿಮ್ಮ ಬಾಲಕನಳುತಾನೆ ||ಪ||
ಯಾರು ತೂಗಿದರು ನಿಲ್ಲನು ಮುರಹರಿ
ಬಾರೆ ಗೋಪ್ಯಮ್ಮ ಬಾರೆ ಗೋಪ್ಯಮ್ಮ ||ಅಪ||

ನೀರೊಳಗಾಡಿ ಮೈ ಒರೆಸೆಂದಳುತಾನೆ
ಮೇರುವ ಹೊತ್ತು ಮೈ ಭಾರವೆಂದಳುತಾನೆ
ಬಾರೆ ಗೋಪ್ಯಮ್ಮ
ಧರೆಯ ನೆಗಹಿ ದಾಡೆ ನೊಂದಿತೆಂದಳುತಾನೆ
ದುರುಳ ರಕ್ಕಸನ ಕರುಳ ಕಂಡಳುತಾನೆ
ಬಾರೆ ಗೋಪ್ಯಮ್ಮ ಬಾರೆ ಗೋಪ್ಯಮ್ಮ ||೧||

ನೆಲವನಳೆದು ತಾನು ಬೆರಳುನೊಂದಳುತಾನೆ
ಛಲದಿಂದ ಕೊಡಲಿಯ ಪಿಡಿದುಕೊಂಡಳುತಾನೆ
ಬಾರೆ ಗೋಪ್ಯಮ್ಮ
ಬಲು ಕಪಿಗಳ ಕಂಡು ಸತಿಗಾಗಿ ಅಳುತಾನೆ
ನೆಲುವಿನ ಬೆಣ್ಣೆಯು ನಿಲುಕದೆಂದಳುತಾನೆ
ಬಾರೆ ಗೋಪ್ಯಮ್ಮ ಬಾರೆ ಗೋಪ್ಯಮ್ಮ ||೨||

ಬತ್ತಲೆ ನಿಂತಿಹ ಎತ್ತಿಕೊಳ್ಳೆಂದಳುತಾನೆ
ಉತ್ತಮ ತೇಜಿಯ ಹತ್ತಿಕೊಂಡಳುತಾನೆ
ಬಾರೆ ಗೋಪ್ಯಮ್ಮ
ಮತ್ತಾರು ತೂಗಲು ಮಲಗಲೊಲ್ಲನು ಶೌರಿ
ಎತ್ತಿಕೊಳ್ಳಮ್ಮ ಶ್ರೀಪುರಂದರವಿಠಲನ್ನ
ಬಾರೆ ಗೋಪ್ಯಮ್ಮ ಬಾರೆ ಗೋಪ್ಯಮ್ಮ ||೩||

baare gOpyamma nimma baalakanaLutaane ||pa||
yaaru tUgidaru nillanu murahari
baare gOpyamma baare gOpyamma ||apa||

nIroLagaaDi mai oreseMdaLutaane
mEruva hottu mai bhaaraveMdaLutaane
baare gOpyamma
dhareya negahi daaDe noMditeMdaLutaane
duruLa rakkasana karuLa kaMDaLutaane
baare gOpyamma baare gOpyamma ||1||

nelavanaLedu taanu beraLunoMdaLutaane
CaladiMda koDaliya piDidukoMDaLutaane
baare gOpyamma
balu kapigaLa kaMDu satigaagi aLutaane
neluvina beNNeyu nilukadeMdaLutaane
baare gOpyamma baare gOpyamma ||2||

battale niMtiha ettikoLLeMdaLutaane
uttama tEjiya hattikoMDaLutaane
baare gOpyamma
mattaaru toogalu malagalollanu shouri
ettikoLLamma shrIpuraMdaraviThalanna
baare gOpyamma baare gOpyamma ||3||