ႁူဝ်ၶေႃႈထမ်း - ၶႅၵ်ႇ
ၽူႈထမ်းတြႃး - ၸဝ်ႈသုၶမ်း

ၶႅၵ်ႇ ဢၼ်ဝႃႈၼႆႉ

*ၽွင်းမိူဝ်ႈမႃးၵေႃႈ
တေႃႈမႃးႁင်းၵူၺ်း
ဢမ်ႇပႃးဢူၺ်းၵေႃႉ
တႃႇတေႃႉၸုင်မိုဝ်း
ၶူဝ်းႁွႆႈတိုဝ်းၵေႃႈ
တေႃႈဢမ်ႇပႃးသင်

*ၽွင်းမိူဝ်ႈၵႂႃႇၵေႃႈ
တေႃႈၵႂႃႇႁင်းၵူၺ်း
ဢမ်ႇပႃးဢူၺ်းၵေႃႉ
တႃႇတေႃႉၸုင်မိုဝ်း
ၶူဝ်းႁွႆႈတိုဝ်းၵေႃႈ
တေႃႈဢမ်ႇပႃးသင်

*ၽႅဝ်မႃးသေလိုဝ်ႈ
ၽွင်းပႆႇယိုဝ်ႈၵႂႃႇ
ၺႃးၽႃႇၸိူၵ်ႈၶိုမ်း
ႁုတ်ႉၵိုမ်းမတ်ႉမၼ်ႈ
လိမ်ႇၽၼ်ႈၵဵဝ်ႈတူဝ်
လႆႈၶူဝ်လႆႈႁၵ်ႉ
ဢမ်ႇမၵ်ႉတေႃးသ
မၵ်ႉလေႃးၽပဵၼ်
ဢမ်ႇယဵၼ်လႆႈမႃႈ
ၵျွၵ်းၵႃႈၵူႈလွင်ႈ
ၵၢမ်ႇယွင်ႈသဵင်ႈမူတ်း
လႆႈဢူတ်းပွႆႇၽႃႈ
ဝၢႆႇၼႃႈပႅတ်ႈၵၼ်
ယၼ်သိုပ်ႇတၢင်းၸႅၵ်ႇ
ထုင်းၸဝ်ႈၶႅၵ်ႇ ။