Published On May 24, 2019
(Lui kal tum khua in min bumro tak si ah chuan tum lawk awm loin Sakawrhmuituai Tlang kan kal ta daih a 😀)
Sakawrhmuituai Tlang hi Mizoram Khawpui Aizawl, Sihphir khaw dai hret, Sihphir leh Lungdai ram a awm niin, Aizawl atang a km 22 a hla ah, Minute 45 awr tlan a thlen mai theih a ni.
Kawng atang a tlang pan/lawn theihna hi hmunhnih ah awmin, PWD Dumping/bawlhlawh paihna thin atang te leh PWD Dumping ground pelh chho leh deuh ah kawng chhak a Bamboo Plantation awmna atang tlang chip lawn chhuakin a kal theih bawk.
Tlang dung mawina hmu duh leh zawh chhuak peih tan chuan dumping ground atang a tlang dung zawh chho hi a manhla viau mai, amaherawhchu hmeichhia no deuh leh kum upa lam chak vak tawh lo tan erawh Bamboo Plantation, Hliappui view thlen hma kawng chhak a penin awlsam te in tlang chip lawn chhuah maitheih a ni bawk.
Mizoram a tlang mawi ber pawl leh a san lam ah 1535 meter a sang niin Mizoram a tlang sang ber 15 ni a record a ni.
Sakawrhmuituai Tlang hi khualzinte hip nan leh mipuite chawlh hahdamna hmun atan cheibawl tum mek a ni a, Sihphir atanga ke a thlen theih tur (trekking) leh Lungdai atanga ropeway hmanga tawlhluh theih tura ruahmanna siam a ni. Sawrkar laipuia Ministry of Tourism hnuaia Swadesh Darshan Scheme atangin kum (2017-2018) chhungin cheng nuai 9907 hmuh a ni a. He project hnuaiah hian Aizawl leh a chhehvela hmun 11 thlan chhuah a ni a, heng hmunte hi khualzinte tlawh chakawm tura siam a nih theih nan hmalak mek a ni a. Heng hmunte hi-Aizawl, Rawpuichhip, Khawhpawp, Lengpui, Durtlang, Chaltlang, Sakawrhmuituai Tlang, Muthi, Berawtlang, Tuirial Airfield, Hmuifang te an ni a. Heng project thawk tur hian Leading Edge Pvt.Ltd rawih an ni a, hmun thenkhatah hna thawhtan tawh a ni.
Hemi tlangah hian Mizorama a hmasa ber turin Skywalk metre 25 laia sei, a chhuat darthlalanga siam tum a ni bawk a. Hemi hmunah hian Skywalk bakah visitors centre, bamboo craft workshop & souvenir shop, nature trail, viewing gallery, camping ground leh watch tower thlenga siam tura hmalak a ni a. Sakawrhmuituia tlang kan kal tum pawh hian Bamboo plantation atang a tlang chhip chhuah chiah ah tower ban tur laih mek a ni.
Heng ruahmannate hi zawhfel a nih hnuah chuan Lungdai leh Sihphir khuate hnenah a enkawlna leh mawhphurhna hlan a ni ang.
Phone Edited
Credit short clip Aerial Video :    • SAKAWRHMUITUAI TLANG Â
Credit Background Song & Music : kyto remix    • Video Â
Thinlung Khawngaihthlak - Francis    • Francis 'Thinlung Khawngaihthlak' Off... Â