دارت الأفكار في راس عشّاق الجزيل
والـمـدارك وسعّت للجزال حدودها

بـيـن بيتً فارق وبيت ماله من مثيل
نـعقد بروس الحبال ونِفك عقودها

ديرةً ما جالها من بطون المزن سيل
تفرق من الديرة اللي تفيض سدودها

وشاعرن مع لابته لا يحط ولا يشيل
ودك ان الهجس ما يرده قرهودها

في زواج حجاب بقدم وانا وجهي طويل
ومن غلاته كل جزله يذعذع نودها

ياولد مدوس عسى ابوك فالجنه نزيل
سمعته تطرب وخلق الولي شهودها

وجعل ربي يرحم حسين كساب الجميل
وياعسى يوم الحشر مع خيار حشودها

كل منهم مرث زحول تقدم ما تميل
فالمراجل تفرق من الرجال بزودها

ماخذين الصيت كله وللتايه دليل
خيرين و قمة الطايله مقصودها

متنهم ينقل حمل مايشيله ظهر فيل
والجمايل عندهم لالفت مردودها

هم هل العد الرهاوي مدلهت العليل
والله انهم شوق عذزاً تكد جعودها

يكفي انهم من هل العشر مزبان الدخيل
شرفت في هامة المجد من مجهودها


عز يالاد الحبيبي
يامخلصت الطليبي
ياعمى عين الحريبي
ياهل العشر الشهيره

شارب الفنجال منكم
جل شان اللي خلقكم
في سما الطاله وضعكم
ياهل العشر الشهيره

الخوي فالبير طايح
انقذ ما امدى يصايح
بالجلود وبالصفايح
ياهل العشر الشهيره

ضربة حزام القويه
تنعرف بين البريه
في سما اللمجاد حيه
ياهل العشر الشهيره

ماخذين العز كله
والفخر دقه وجله
انتو دوله مستقله
ياهل العشر الشهيره

الجموع الدوسريه
تغلبيه زايديه
زايديه تغلبيه
ماتفرقنا الدوادي