طرف جفن عيني لمكحولة العين
عيني أيقضت فيني من الشوق ما كان
خيط الولع خلاني أتبعك يا زين
خيطٍ جذب في خاطري حر وجدان
راح الفكر ينظم من الشعر بيتين
شاقه بنظم الشعر مرسوم الأعيان
شفت الحلى فيها يوصف بوصفين
وصف الحسن وصفٍ يبين لها شأن
يا ظالمة غضي من الطرف تكفين
لا تودعين النفس لبيض الأكفان
يا ماخذه بلا عطاء للبعد وين
توني معك شفق ما ذقت سلوان
الله أكبر ليت لي معك وقتين
وقت تعيش النفس بك حلو الأزمان
وقتٍ نهاره ليل والعين بالعين
أسهر ونومي ما يعارض لي أجفان
أسهر بليلي والقمر وجهك الزين
منور حلى ويكسف حياء غادي ألوان
فيني من الوجدان والشوق حملين
عسى خفوقي يشمله منك الإحسان