ليش العتاب وأنت الذي دومك معي في خاطري
يا صاحب الليل الذي إذا تحدّر تمنعه
في مهجتي من كلمتك أوهام حلمٍ شاعري
ما أقدر على وصفه ولا أقدر بأنّي أمنعه
غني معي قولي لي عندك صناعة ساحري
وأنته على ما تشتهي قولٍ توده تسمعه
قلبي ترى ما يحكمه منظر غزالٍ نافري
لو كان وصله صاحبي من دون ذنبٍ يقطعه
يا هاجري أحلى الصورعندي بقت يا هاجري
يتبعك قلبٍ صاحبه من حبكم ما هو معه
من هو يساعدني على حظٍ رديٍ عاثري
ما هقوتي اللّه يغيّر لي اللي فؤادي ضَيعه
فيك السحرِ منك الغلا كله بدأ في ناظري
عيّت عيوني كلما زوله تبدّى تشبعه
أرعى البروق أشوفها ماضي وطلعة حاضري
براّق من صوبك بدأ وأنا ونوقي نتبعه