នៅសល់ពេលមិនច្រើនទេ ដំណើរការប្រឡងសញ្ញាបត្រមធ្យមសិក្សាទុតិយភូមិ នឹងចាប់ផ្ដើម។ សិស្សានុសិស្សម្នាក់ៗ ខំប្រឹងរម្លឹកមេរៀន និងរៀនគួរបន្ថែម ដើម្បីប្រឡងជាប់សញ្ញាបត្រមធ្យមសិក្សាទុតិយភូមិនាពេលខាងមុខ។ អតីតនិទ្ទេស A លំដាប់ពិន្ទុ ១០០ កញ្ញា ថន រតនា បានចែករំលែកនូវគន្លឹះសំខាន់ចំនួន ៧យ៉ាង ដើម្បីត្រៀមខ្លួនមុនពេលប្រឡងបាក់ឌុបយ៉ាងដូច្នេះ៖ «សិស្សានុសិស្ស ត្រូវស្គាល់ឲ្យច្បាស់ពីការប្រឡង, រម្លឹកមេរៀនឡើងវិញ, អនុវត្តលំហាត់ចាស់ៗ, ចាត់ទុកប្រឡងឆមាសទី២ ជាប្រឡងបាក់ឌុប, ផ្ដោតលើការរៀនខ្លួនឯង ជាងការរៀនគួរ, ថែរក្សាសុខភាព និងការតាំងចិត្ត»។
យុវតី ថន រតនា ជាអតីតសិស្សនិទ្ទេស A លំដាប់ពិន្ទុ ១០០ មកពីវិទ្យាល័យហ៊ុនសែនប៊ុនរ៉ានីផ្សារដើមថ្កូវ។ កញ្ញា ថន រតនា បានដណ្ដើមយកលទ្ធផលខ្ពស់បំផុតនៅក្នុងដំណើរការប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា ២០១៨ នៃសម័យកំណែទម្រង់របស់ក្រសួងអប់រំ យុវជន និងកីឡា។ ក្នុងបទសម្ភាសជាមួយសារព័ត៌មានថ្មីៗ យុវតី ថន រតនា បានរៀបរាប់ពីការត្រៀមខ្លួនមុនពេលប្រឡងបាក់ឌុប ដើម្បីទទួលបានលទ្ធផលល្អ។
បើតាមអតីតនិទ្ទេស A ថន រតនា បេក្ខជនប្រឡងបាក់ឌុប ត្រូវស្គាល់ឲ្យច្បាស់ពីការប្រឡង, រម្លឹកមេរៀនឡើងវិញ, ការអនុវត្តលំហាត់វិញ្ញាសាចាស់ៗ, ចាត់ទុកប្រឡងឆមាសទី២ ជាប្រឡងបាក់ឌុប, ផ្ដោតលើការរៀនខ្លួនឯង ជាងការរៀនគួរ, ការថែរក្សាសុខភាព និងការតាំងចិត្ត៕
#បាក់ឌុប
#និទ្ទេសA

--------------------------------------------------------------------
ThmeyThmey News Social Media:

https://thmeythmey.com/
  / thmeythmey  
  / thmeythmeyvideonews  
  / thmeythmeynews  
  / thmeythmey