En mor marwa kaka kanisa mar Lord Last Call church kendo duokone Nyasachwa
erokamano kuom telonwa maber ma wachopo ehiga mar 2024 mondo wasom
rapar marwa mar 20 (piero ariyo) 20th anniversary.
En wuoth marabora ahinya engimawa kaka jokanisa mar Luong Mogik mar
Nyasaye, kendo mondo wabed jo Lords Last Call church.
Kamoro amora ni kod (nonde) kata chakruok mare. Wan kaka Jokristo mar luong
Mogik obedonwa wuoth marabora ahinya chakre ehiga mar 1958 ka Nyasaye
ne ofwenyore ne jatichne mama Susana Nyabulwa e bwo Roho maler makoro
wach kendo neno wach.
Pile Nyasaye tiyo kod jogo makare mana kaka ondiki e muma mar Zaburi 91:1- Ni
ngat madhi ir Nyasaye maduong mondo oyud resruok nyalo wachone Nyasaye
ni in ekar konyruokna kendo oingana.
Nyasaye wuoyo kod jok malame kawachako nono nondwa, kaka kanisa Luong
Mogik to ibiro yudoni wan e anyuola mar abich, kawachako kwano telo mar
Mama Susana, mar Jakwath kendo Jaduong Harun Owuor, mar Jakwath Mishael
kod Zedekia, kato wan kanisa mar Lords wan e bwo loch mar mane oseweyo
tich Pastor Daniel Ajuoga Ouko.
Kuom wuoth mar Roho Joote kod jonabi negin jogo ma iluongo edier oganda.
Wan kaka kanisa mar Luong Mogik waluongore joka Mama Susana Nyambulwa.
Susana ne en miyo kendo mane nikod dalane gichuore kod nyithinde. Wach
Nyasaye ne ofwenyore e higa mar 1945 ka en jakristo mar SDA mane humbe
lach kendo pod lach. Nyasaye ne oluongo mama Susana kendo ogole e riwruok
mar SDA. Ndalogo noyudi ka mama Susana ne ywago nyathine mane othoo
mane iluongo Hellena Juma kowacho ni ngama biro makone luth ka Helena
osethoo. Nyithind mama Susana ne gin Joseph Awendo kod Helena Juma.
Nyasaye ne onyise ni Susana we yuak, adwaro miyi roho mabiro teloni kendo
chiki kamako ni luth. Luong makama ne otimore e higa mar 1945; edala mar
Karachuonyo Konyango Wangadonji (Gendia). Nikech kanisa mar SDA pok ne
ongeyo tiend roho maler, mawuoyo kendo koro wach. Mama Susana ne obedo
kod pek mangeny ahinya mane ochune mondo kor owuogi eriwruok mar SDA.
Kane Nyasaye oluonge, otemo lero tiend weche kendo oganda moko ne oyie
kod wechego to moko ne otamre.
Nyasaye ne ooro mama Susana kuom jaduong moro mane nitiere epiny
Karachuonyo ni Patroba Ogaja edala mar Oriang – Nyasaye ne onyise ni mano
e jaduong ma gibiro wuothogodo ka gilando wachne. Honni kod ranyisi ne
otimore ahinya kaji chango kuom touché manade omakogi kendo ngato angata
mane obiro kod kit achiedh nade moro amora ne yudo konyruok. Nyasaye ne
otiyo kodgi ahinya magi chako yudo jowadgi mamoko ka oorgi mondo gidhi
epiny Karachuonyo, Kanjira ma olemone wuoyi moro ni Awach, kendo mano
emane okelo luong jaduong Kornolio Nyowiti e piny Oindo Karachuonyo.