#جــدييــد_وحــصـــري
#شـيـلة
#قصتي_في_العشق
#كلمات_الشاعر
#صالح_مساوى
#أداء_الـمــنــشـد
#عبيد_الدوعني
#عازف_المزمار
#خميس_عايض
#مونتـاج_واشراف
#ابوراكان_المشجري

ذا فصل والثاني مساوى مولع
ومن تولع فالهواء الله يعينه

أيش السبب تقسى علي يالمدلع
قلبي قفى صدك يرادف ونينه

من حب حد مكلوف ينزل ويطلع
ويجيب للمحبوب من كل عينه

وأنا عطيت الزين كيلو مربع
فالطين ذي في ظاهرة باحقينه

سوا لي المحبوب تشليح موقع
تشليح لعكب واُطقمه للمدينه

معد ترك لي صاحبي شي ينفع..
الا شميزي ذي علي والفنينه

لبيه للجعد الهلي والمنسع
ذي يفرشه ع الكتف سينه بسينه

مجروح بعده والدواء مابينفع
جرح الهوى قتال ياعارفينه

قولو لبوراكان من ماتوقع
بايفقد أشياء ياصديقي ثمينه

وذي لهرج الناس يصغي ويسمع
حرام ماذاق الهدوء والسكينه.َ

في مقتسم شعبان يابدر يسطع
نورت للبدوان وأهل المدينه

أرفق بحالي شف فؤادي تقطع
أشفق على مخلوق جارت سنينه

سويت لك فالقلب شركه ومصنع
غير العماير والحصون الزبينه

ماباك تستأجر وتخسر وتدفع

خل الخساره قسم ذي زاد دينه

ضيعتني وأصبحت مثلي مضيع
غلطان يامولى الطباع الحسينه

العمر لاقد راح ماعاد يرجع
الوقت فاصل كان بيني وبينه

بصبر وبطرح فوق كتفي مضلع
لوقصتي فالعشق قصه حزينه