කුරුණෑගල කීවම ගොඩක් අය දන්නෑනේ දියඇලි තියෙනවා කියලා. කුරුණෑගල තියෙනවා දිය ඇලි කීපයක්ම.
ගොඩක් අය දන්නෙ වදාකඩ ඇල්ල විතරයි. ඊට අමතරව කැලෑමුල්ල ඇල්ල,කූරියම්පොල ඇල්ල සහ අද මම මේ වීඩියෝ එකේ යන වෑවල ඇල්ලත් තියෙනවා.

🔸වෑවල ඇල්ල
ඇල්ලට එන්න පාරවල් කීපයක් තියෙනවා.
කුරුණෑගල කොළඹ 06 පාරේ එනවනම්
1. බුළුගොල්ල හංදියෙන් හරි
2. හොදැල්ල හන්දියෙන් හරි හැරිලා එන්න පුළුවන්
3. රඹුක්කන පැත්තෙන් එනවනම් දොඹේමට බුළුගොල්ල පාරේ ඇවිල්ලත් ඇල්ලට එන්න පුළුවන්.

Google map එකෙන් බලලත් එන්න පුළුවන්.

ඇල්ල තියෙන්නෙ වෑවල ගමේ වෑවල පංසල ලගමයි.
මේ ඇල්ල කොටස් දෙකකට තමයි කඩා හැලෙන්නෙ. උඩ කොටස මීටර් 2ක් 3ක් වගේ තමා උස. ඇල්ල කඩා හැලෙන තැන පූල් එකක් වගේ තියෙනවා. වැස්ස කාලෙට අඩි 10ක් වගේ ගැඹුරුයි. හැම තැනම නෙවේ. පායන කාලෙට නම් වතුර ගොඩක් අඩු වෙනවා.

ඇල්ලෙ පහල කොටස මීටර් 8ක් 10ක් වගේ උසක් තියෙනවා. ගල් තලාවක් දිගේ තමයි ඇල්ල කඩාගෙන වැටෙන්නෙ. මේ වතුර ගමේ අය එයාලගේ ප්‍රයෝජනයට සහ ගොවිතැන් වැඩ වලට ගන්නවා.
ගමේ අය කියන විදියට මේ ඇල්ල පටන් ගන්නෙ අර මන් කලින් කීව දොඹේමඩ හරහා රඹුක්කන පාරේ හාම්බෙන වංගු 7 හරියෙන්. වංගු හත හරියෙන්ම තමා වයඹ සබරගමු පළාත් මායිම තියෙන්නෙත්.

මේ වෑවල ඇල්ල ගැන ජනප්‍රවාද කතා කීපයක් තියෙනවා.
වලගම්බා රජ්ජුරුවෝ නාපු තැනක් කියලා කතාවක් තියෙනවා. ඒ වගේම මේ ඇල්ල ඇතුලේ නිදානයක් තියෙනවා සහ ඒක ආරක්ෂා කරන්න නයෙක් ඉන්නවා කියලත් ජනප්‍රවාදයේ එන කතාවක් තියෙනවා.

ඇල්ල පිහිටලා තියෙන වටපිටාව නම් කොලපාට ගස් වලින් වටවෙලා තියෙන්න අලංකාර පරිසරයක්. ඒ වගේම හරිම නිස්කලංයි. කලින් මන් යනකොට ගොඩක් පොලිතීන් ප්ලාස්ටික් තිබුනත් මේ පාර නම් මොකුත් තිබුනේ නෑ. ඒක නම් වටින දෙයක්. එන කෙනෙක් කිසිම දෙයක් දාලා යන්න නම් එපා. මේ සුන්දර පරිසරය විදලා තියෙන විදියටම ඉතිරිකරලා ආපහු යන්න.

වීඩියෝ එක බලලා අදහස් comment කරගෙන යන්න. චැනල් එක subscribe කරලා bell එක ඔබන් යන්නත් අමතක කරන්න එපා. එහෙනම් තවත් මේ සුන්දර ලංකාවේ ලස්සන තැනකින් හම්බෙමු. ආයුබෝවන් 🙏🌿💙

Music - Youtube Audio Library
Camera - Gopro Hero 10

#wewalaella
#kurunegala
#waterfalls