其實我哋去過唔同嘅Meland Club，大致上都差唔多，不過每間都會有啲唔同嘅。我哋今次嚟呢間佢哋最鍾意玩一定係：寵物醫院🩷🩷 鍾意寵物嘅佢哋真係玩得超開心。
其他設施例如廚房，長滑梯，騎馬，超大波波池，超大迷宮，喇叭滑梯，幾層高嘅迷宮，生雞蛋，積木，圖書館，玩水，等等…..都有得玩
影咗二百幾張相啊喂~IG 淨係揀得嗰10張真係睇唔到啲乜嘢😂🤣

Meland Club (寶安區壹方城分店）
📍深圳市寶安區壹方城購物中心3樓

「開箱」 JW Marriott Shenzhen Bao’An 🩷👍.
首先想講好好笑，我哋原來去錯酒店🤣。我哋book嘅房原來喺Phase 2, 係新啲同大啲。但係距離main hotel要搭幾分鐘車。又大又細又多行李所以決定喺返main Hotel攞房算。
我哋今次book咗行政房。原因係book房嘅時候行政房唔知點解仲平過普通房少少（幾十蚊）。行政房包嘢飲同埋小食，下午茶 etc，所以真係諗唔到理由唔係揀行政房😅。
間房我哋最欣賞真係個浴缸。浴缸同埋shower位置係一齊。其實咁樣嘅設計真係方便好多，因為好多時沖完泡泡浴都要沖下身。咁樣唔使搞到成個洗手間濕晒，其實真係覺得呢個設計方便好多。其次，浴缸係對住個大窗。咁樣浸浴，真係好正（當然有窗簾可以落😂）。
今次除咗小朋友玩，媽媽都有去做Spa。其實價錢又唔係特別平嘅，做咗個90分鐘Aroma，大概1300人仔🫢（多謝爹哋🤣）。不過酒店嚟講我諗差唔多啦～但係按摩師就真係好勁，手勢好，同埋真係好有力。甚至乎太有力，我要叫佢輕力啲😂😂。

整體嚟講我哋係滿意今次入住 深圳前海華僑城JW萬豪酒店 。 下次住寶安區可能都會揀返呢間。

Btw ~ 自助早餐勁多唔同嘅蛋類選擇。Emma呢個蛋控真係開心到飛起😂😂😂。

位於寶安區前海Hop天地～其實覺得呢度係啱啲大個小小嘅小朋友，尤其係男仔多啲。因為好多打機嘅嘢玩。設施都係比大少少嘅小朋友，因為有大人保齡球，mini golf， 碰碰車都係比較刺激嘅。 不過兩位都玩得好盡興，基本上佢哋玩咩都鍾意🤭🤭🤭。
家姐仲可以上台唱歌㖭呀😂 仲即刻有啲觀眾圍埋嚟。Emma 呢排玩卡丁車玩得多，玩到偷偷地唔用手😒🙄。

Hop-DX潮玩運動街
📍深圳寶安區新安街道海旺社區興華一路19號前海HOP天地購物中心B1