Bekel

Bali kasub antuk tradisi lan budaya. Budaya Bali nenten prasida lempas saking agama Hindu miwah aksara Bali pinaka lambang sucinyane. Aksara Bali ring kahuripan i manusa pinaka sunar sundih rikala wengi. Aksara Bali puniki kaanggen ring sajeroning upacara agama ngawit saking i manusa kantun ring tengahing garba i meme, sane kawastanin upacara megedong-gedongan. Upacara puniki matetujon mangda ring paletan kapertama kahuripannyane, sang rare ngamolihang karahayuan. Risampunne rare punika embas, kalanturang ngamargiang mendem ari-ari miwah upacara sane lianan. Ritatkala sampun mayusa sane pantes pacang ngamargiang swadharma dados alaki rabi. Raris kakaryaning upacara pawiwahan, sane sadurungnyane kariinin antuk upacara pakalan-kalan. Upacara puniki matetujon nglebur sakancan mala sane wenten ring angga sarira, mangda suci nirmala ritatkala nyujur paletan kahuripan sane anyar. I rerama ngrastitiang mangda sang kalih nemu karahayuan.

#makantisastra2023
#filmpendek
#penyuluhbahasabalikabupatengianyar