我哋今次住嘅係深圳海上世界對面嘅Hilton Shenzhen Shekou Nanhai。

去到先發現貝爾自然探索中心突然執咗🥲🥲。所以就嗱嗱臨轉場。 因為兩姊妹一心諗住睇動物，所以爸爸就搵咗第二個動物地方比佢哋去。
我哋去咗位於萬象食家商場嘅「Lollypet」。其實講真入面唔算好大，但係MuiGs都玩咗好幾個鐘🫢。最好嘅就可以出出入入。我哋中途出咗去玩一陣夾公仔，飲咗杯嘢，再入返去玩又得。萬象食家入面好多商店，食嘢選擇好多。
講返Lollypet。 入面有草泥馬，鹿，兔仔，倉鼠，蛇，蜥蜴，鴨仔，刺蝟。 $20可以買一桶飼料餵動物。 家姐勁鍾意隻鹿仔，佢覺得隻鹿仔鍾意佢，因為佢心地好😆😆😆。 佢話隻鹿仔淨係食家姐為俾佢嘅嘢食，其他人餵嘅佢唔食 （errrrmmm😂😂 總之佢開心就得啦🤣）。 另外家姐好鍾意其中一隻倉鼠，因為嗰隻好乖乖咁俾佢抱，家姐抱咗好耐。

Emma就好鍾意啲刺蝟，佢覺得佢哋走來走去好得意。同埋又肯俾佢抱🫢。 Emma 竟然大膽地，為佢哋食蟲仔可想而知佢真係好鍾意佢哋😂。

Lollypet寵萌樂園（羅湖筍崗萬象食家店）

📍深圳市羅湖區筍崗街道筍西社區梅園路71號萬象食家第4層