* ملاحظة : نسخك للمحتوى او إعادة رفعه يعرض قناتك للاغلاق
‏mulahazat: nasakhak lilmuhtawaa 'aw 'iieadat rafaeah yuearid qanatik lilaighlaq

شيلة ؛ سهوم الموت خل اسهم تداول واسهم الاغلاق

- كلمات الشاعر ؛
منصور الميخار

- اداء المنشد ؛
جفران بن هضبان

- تصميم ؛
نواف البقمي | القناة الرسمية

- كلمات الشيلة ؛

جناحين الظلام اليا فلقها النور بالاشراق
تطير ولاتطير الا من الحنجور لـ النبره ..!

يعيش الادمي مرهون لـ الاعمال والاخلاق
تحت ' رحمة إلهً / كل ٠٠قمة عاليه حدره

خيال الواقعي يرسم حدود الافق فالافاق
واذا عدت ورى حد الذمم تدخل معه قبره

يجي لـ الصدق قدام الكلام المستعار ايرباق
ليا من صار حادث فالحديث يدق في صدره

عيون الناس / وعيون الليالي حدها شبراق
تشوف الشاعر بـ حجم القلم وتقول ياكبره !

لو ايلامس صدور الناس ويعد الليال اوراق
معاناته هي اول كاتب ابداعه على فكره

صحيح الشعر للشاعر يشبه مثل الابن العاق
عليه العابرين وفود والشاعر هو العبره

يقولون الرجال اللي ما يكسر للزوم الساق
لا يجلس فالشداد وحطوا اشداده على ظهره

مشاريه الرجال اسباق وعيون القصيد اسباق
لا دق اللي ثعول ونعم بارقها على ذكره

ابو وجه رضيّ يشبه علمنا الشاهر الخفاق
يشوف ان الكبار ضغار من قوه ومن كبره

ي غزاي انت بذلك للجمايل وابلً غدّاق
لسانً ما يفاخر فيك من طاريك وش عذره

كرامه فالصحن والثانيه رفعت على المعلاق
وبيت ما قصر راعيه عن بنيه وعن عمره

هذا بيتك منار ومعلم ضيافه وطيّب اوفاق
فداك اللي يعيش العمر لا هبده ولا هدره

عيالك يوم حطوا للنعم من سيرتك ميثاق
وابو طيبً صناعي كيف يغلب طيّب الفطره

بنى الله بيت من هذا مقامه من صميم اعماق
وصيبه ينقل امجاده وجوده يفترش يسره

اعرف اخو رجا بينه وبين الطايله ميثاق
لفو روس النشاما في محلً عامره قدره

شف الاد الدهيمي قمة فيها الثناء شعاق
هل المجد التليد اللي نموت وسيرته عطره

حمى الوادي على قطنان والا ذكر ابن عماق
كذا والا كذا عدوانكم فالنار منتحره

وهباس الصليب مجد وافعال وذرى و وثاق
ثناناكم شمس عيد وليلكم نصف الشهر بدره

عداكم روسهم شرهاتها تحسب على الحلاق
وحلق اعناق بطش الروس ما يقطع ولا شعره

لكن لا تقفلون البيت باقي للكلام سياق
وش المانع ليا ضفنا على موج البحر قطره

ي تاريخ البقوم انا المحب الذاكر العشاق
بسولف عنك لابكره وبكره يتبعه بكره

سهوم الموت خل اسهم تداول واسهم الاغلاق
نجيب المال لاجل نهينه ونقضي على كثره

واذا كثر الكلام وكل صدرً من كلامه ضاق
كسرنا الكلمه المره بوجه الغاره المره

ليا صاحت فتاة القوم جاء التفاق للتفاق
لا عبوا بالكثر نلعب على المضمون والخبره

ليا منه سلم مصيوب بالله انشده وش ذاق
وليناه وعفينا عنه يوم انّا ولينا امره

عزاوينا تذري روسنا لا يبست الارياق
ولولاها ما سقنا الذود من نجران للبصره

جملنا عن ديار القوم لا يحداء ولا ينساق
وسايمنا بجايزة الامام وملتقى الظفره

ليا منه سلم مصيوب بالله انشده وش ذاق
وليناه وعفينا عنه يوم انّا ولينا امره

لو انّا ما نعرف ان التواضع يرضي الخلاق
تجاهلنا مقام الناس من قوه ومن بطره

لايك + اشترك بالقناة , ليصلكم كل جديد وحصري
‏Lake + Subscribe to the channel, to receive you all new and exclusive

لطلب التصاميم ؛
‏Whatsapp :
0535941516
‏Twitter :
http://cutt.us/3rSCA
‏Snap :
http://cutt.us/asoPX

إشترك - إضغط على إعجاب - أضف تعليق - وأنشر المقطع .. لا أستغني عن دعمكم ..
‏Subscribe - Like

انتظروا كل ماهو جديد وحصري ..