"Ginoo, ang Imong presensya"
Written by Revie M. Vasquez

Verse 1:
Sa imong panahon, Ginoo, kami nagpaabot
Ang imong saad dili mapakyas, gugma mo wa'y sukod
Bisan sa kasakit, sa kalisod, ug sa kagul-anan
Sa imong pamaagi maglaum kami

Chorus:
Ginoo, ang imong presensya, among kalipay
Ikaw ang kusog sa among kinabuhi, among dalangpanan
Gugma Mo walay sukod, walay katapusan
Hangtod sa kahangturan, ikaw among Ginoo
Walay pagmahay, Ginoo
Maga-awit ko, Ginoo

Verse 2:
Nadungog mo ang among mga pag-ampo
Nakita mo ang among mga luha, among mga kasakit
Ayuhon mo ang among kasingkasing nga nagmasulob-on
Hatagi kami'g kalinaw, Ginoo nga buhi

Repeat Chorus:

Ending (Romans 8:18):
Dili ikatandi ang mga pag-antos karon
Sa himaya nga pag-abuton sa unahan
Ang tanan nga mga kasakit ug mga luha
Mapulihan sa kalipay nga walay katapusan

(Inspired from Isaiah 60:22, John 13:7, Psalm 2:3,2 kings 20:5, Matthew 28:20, Romans 8:18)