هيثم قنتي
..حرب نفسيه ..
كلمات عمر الاعسر ...
https://6.top4top.net/m_1428oo0dx0.mp3

حلاني الله واتفكيت من النقه الصباح وعشيه
ياخي كل ماتمسي أبوك جاييني عامل لي حرب نفسيه ..........................
غطيت القدح جازاني كشف الحال وأذاني اذيه ..
ريدك في العيون ضاريتو بوبة في املهيب كرعيه ....
اتجرتقته شوق وأحلام علي عش الحياه الزوجيه ...
واضيعت رجاي تاريكي كنتي مبيتالي النييه .............................
رحله معاكي كل أيامه كانت فوق جحيم مقليه ...
منك ومن عمايل أبوكي يومي يجينيي طلقه ليا....
وامك ذاته راس القايده كلمته ذي لدقة الحيه ...
والحماشه ذي المويه بي تحت التبن مخفيه ...............................
ماراعيتو بينا قرابه لا الرحم الصلاتو قويه ...
لابتقولو نحنا نسابه ياما في النسب حنيه ...
ولعتو الخصام في الاسره ضيعتي الديار ياعينيه ...
ياناكرة هواي وجميلي شيعتي الاماني صبيه ....
ياخي رغم الحالي تملي بساطه والايد بالظروف ملويه ...
هل قصرته فيك ياظالمه وللا الجبتو ليكي شويه...
ساويتك مع والديني موفر ليكي عيشه هنيه ....
وراس الشوكه كان مساكي يوم داك واسهر عينيه .............................
آسف ياللقيتك خدعه بي تووب الغرور مكسيه ....
ذي معظم بنات الليله كاسياهن قييم وهميه .....
مابنت حواء لوكان سلعه صبحت بالقروش مشريه ...
ترحل من دياري الليله وباكر في محلها ميييه ...................................
داير أديك كلام ختيهو للايام معاكي وصيه .....
راجعي حسابك آمسكينه انتي الفي النهايه ضحيه ...
مابندم عليك كان فتي واياك لوتخافي عليا ...
مادام الفراق شيمتنا أصلو النار مصير النيه ....................
طلقانه وودعتك الله ولوميني ان طبقتي الجيه ...
طلقانه وبراك حتشوفي عاقبة الطلاق السيئه ...
طلقانه وتراني مرقته منك لاوليد لابنيه ..
وطلقانه وأبوك انشاء الله يسعاك لي ذمانو سعيه ....

حلاني الله واتفكيت ...